Boş aynıñ soñ onuncısında işğal etilgen Qırımda plâjlarnıñ yağlı taşlamalarnen kirlenmesi qayd etile başladı. Em de neft ile kirlenilgen quşlar.
"Qırım.Realiyi" leyhasınıñ jurnalistlerine Qırım ekologiyalıq faalleri adlarını bu aqqında bildirmediler.
"Yerli sakinler bu vaziyetten pek qasevetlene. Bu yılnıñ başından berli yalı kenarları pek zararlandı, çoqusı plâjlarda, hususan deñiz yalı kenarlarında, tonnen—tonnen qum ve yağ ile zararlanğan taş çıqarılğanı sebebinden keyfiyet fenalaştı. Şimdi akimiyet plâjlarnı temizlemege acele degil, göñülliler de evelki kibi coşqunlıq köstermeyler. Yaqarlıqnen kirlenilgen quşlarnı temizlev bölükleri qapatıldı. Belli olğanı kibi, problem arta ve Keriçte mazut ile küreş koordinatsion ştabınıñ işini yañıdan başlamaq kerek", — dep Qırım.Realiyi ekolog ayttı.
Hatırlatamız, ekim ayında işğal etilgen Qırımnıñ ğarbiy ve qısmen cenübiy yalısında yağ yağ yağması qayd etilgen edi. Bu aqta ekim ayınıñ 9-nda "Qırım veter" Telegram-kanalınıñ nezaret gruppası haber etti.
Hususan, büyük mazut lekeleri Bağçasaray rayonınıñ yalısı boyunca, em de Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Lübimovka ve Kaçi yalısındaki "ayrı adaçıqlar"da tapıldı.
Aynı vaqıtta yarımadanıñ cenübiy yalısında — Yalta rayonınıñ Alupka şeerinde "Qara bayır" plâjında da mazut tökülmesi qayd etile.
Berim ayınıñ soñunda işğalciler Keriç boğazında tankerlerniñ qazasından soñ deñiz tübünden mazut toplav işleriniñ yekünlengenini bildirdi.
Hatırlatamız, Krasnodar ülkesiniñ Arbitraj mahkemesi Qara deñizde batqan "Volgoneft-212" tankeriniñ saipleri ve yükleyicisini Keriç boğazında büyük yağ tökülmesi içün 49,46 mlrd ruble (621 mln dollar) ödemege mecbur etti. Eki felâket gemisi davalarında tazminatlarnıñ umumiy miqdarı endi 49,86 mlrd rubleni ($630 mln) aştı. Mahkeme qararına esaslanıp, RİA "Novosti Qırım" bu aqqında bildire.
Keriç boğazındaki qaza aqqında ne bilemiz
İlk qış aynıñ 15-nde Keriç boğazı yanında "Volgoneft 212" ve "Volgoneft 239" eki rusiye gemisi batmağa başlağan. Bir geminiñ kenarında ekipajnıñ 13 azası bulunğan edi, başqasınıñ kenarında ise – 14.
Evelden, vaqia sebebi furtuna ya da yaramay avası içün tankerlerniñ bozuluvı olğan. İlk qış aynıñ 15-ine qadar işğal etilgen Qırımda şiddetli yel sebebinden furtuna ihtarını bildirdiler.
Qaza neticesinde ekipajnıñ bir azası elâk olğan. Başqaları artqaç suvumasınen hastahanege yatqızdırılğanlar.
Eki rusiye tankeriniñ qazası, mazutnıñ 4 biñden ziyade tonnasınıñ tokülüvine alıp ketirgen. Greenpeace iddia etkeni kibi, o, ekologiya içün ciddiy aqibetlerini peyda ettirebile.
Qaradeñiz strategik tedqiqatlar institutınıñ reberi Andriy Klımenko qayd etkeni kibi, gemiler deñizge çıqmağa azır degiller, çünki özen soylarından, em de eski olalar – 1951 ve 1955 çıqış yılları.
Ukraina Arbiy-deñiz quvetleriniñ spikeri Dmıtro Pletentçuk bildirdi ki, bu eki tanker, kerçekten arbiy sınıf gemileri, deñizge gemilerniñ areket qaidelerine riayet etmeden çıqtı.
İlk qış ayınıñ 16-nda Rusiye Fevqulâde vaziyetler nazirligi "Volgoneft 239" tankeriniñ erkânı tahliye etilgenini bildirdi.
Etraftaki müit nazirligi, ilk qış ayınıñ 15-nde "Volgoneft-212" ve "Volgoneft-239" Rusiye tankerleriniñ qazası neticesinde çıqqan mazutnıñ Qara deñiz ekosisteması içün "felâketli aqibetleri" ola bilecegini bildirdi.
"Yeşil mektüp" cemaat teşkilâtınıñ yolbaşçısı, biolog Vladıslav Balinskıy Suspilne Qırımğa izaat bergende bu qazanı "asırnıñ eñ büyük ekologik felâketi" dep adlandırdı.
İlk qış ayınıñ 17-nde Qara deñizdeki Kavkaz limanı rayonında "Volgoneft-109" tankeriniñ kapitanı yük tanklarından biriniñ sızıqsızlığı sebebinden felâket signalını berdi. Bu endi üçünci kere "Volgoneft" tankerleriniñ mazut taşımasıdır.
İlk qış ayınıñ 19-nda ekipaj azasınıñ ölümine ketirgen "Volgoneft-212" tankeriniñ kapitanı eki ayğa - kiçik aynıñ 17-ne qadar apiske alındı. "Volganeft-239" gemisiniñ kapitanı ise ev apsinde tutıldı.
İlk qış ayınıñ 20-nde Greenpeace, Anapadan Qırım köprüne qadar 65 km2 suv, batqan "Volgoneft" tankerlerinden birisinden aqqan mazutnen kirlengenini bildirdi. Etraftaki müit qorçalayıcıları felâketniñ miqyası daa büyük ola bilecegini tenbileyler.
İlk qış ayınıñ 20-nde Keriç boğazında Gvineya-Bisaunıñ gemisi astında yaldap ketken "Gam Express" felâket signalını berip, yardım içün muracaat etti.
İlk qış ayınıñ 21-nde Keriçniñ işğalli akimiyeti şeer plâjlarında mazut tapılğanı içün belediye fevqulâde vaziyetini ilân etti.
2025 senesi qara qış ayınıñ 4-nde işğal etilgen Sevastopolda (Aqyar) ilk qış ayınıñ 15-nde Keriç boğazında eki tankerniñ qazası sebebinden bölge emiyetli fevqulâde vaziyet rejimi ilân etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
