Areket telükesizligiRFniñ CQniñ 263. maddesiniñ 2. qısmı ve deñiz naqliyatını qullanuv qaidelerine riayet etmemege qabaatlanğan ekipaj azasınıñ ölümine ketirgen "Volgoneft-212" tankeriniñ kapitanı eki ayğa, 2025 senesi kiçik aynıñ 17-ne qadar apiske alındı. "Volgoneft-239" gemisiniñ kapitanı ise aynı müddetke ev apsinde tutıldı.
Qırım ve Aqyarnıñ (Sevastopolnıñ) işğalli SUSK bunı bildirdi.
Bu qarar ilk qış ayınıñ 15-nde Keriç boğazında yüz bergen qaza sebebinden taqiqatnıñ muracaatınen makemede qabul etildi. Fırtına vaqtında "Volgoneft-239" ve "Volgoneft-212" tankerleri zarar kördi, battı ve büyük yağ tökülmesiniñ sebebi oldı. Qaza neticesinde Astrahandan 23 yaşındaki devriye deñizcisi elâk oldı, bir qaç ekipaj azası yaralandı.
Daa evel Rusiye Taqiqat eyyeti Qara deñizde qazağa oğrağan eki "Volgoneft" tankeriniñ kapitanları yaqalandı, dep bildirdi. Şaatlarnıñ sorğuları, tintüvler keçirildi, vesiqalar tutıp alındı ve bir sıra ekspertiza tayin etildi. Taqiqat, deñiz uquqı qaidelerine riayet etüv ve gemilerge ekstremal ava şaraiti aqqında vaqıtında haberdar etüv boyunca nezaret hızmetleriniñ faaliyetini de teşkere. Ava vaziyeti eyileşecek soñ, qaza yerini teşkermek ve tehnikiy ve ekologik ekspertizalar keçirmek içün gemilerniñ qalımtılarını qaldırmaq planlaştırıla.
Keriç boğazında qazası aqqında belli olğanı
İlk qış aynıñ 15 Keriç boğazı yanında "Vologneft 212" ve "Vologneft 239" eki rusiye gemisi batmağa başlağan. Bir geminiñ kenarında ekipajnıñ 13 azası bulunğan edi, başqasınıñ kenarında ise – 14.
Evelden, vaqia sebebi furtuna veye yaramay avası içün tankerlerniñ bozuluvı olğan. İlk qış aynıñ 15 qadar işğal etilgen Qırımda şiddetli yel sebebinden furtuna ihtarını bildirdiler.
Qaza neticesinde ekipajnıñ bir azası elâk olğan. Başqaları artqaç suvumasınen hastahanege yatqızdırılğanlar.
Eki rusiye tankeriniñ qazası, mazutnıñ 4 biñden ziyade tonnasınıñ tokülüvine alıp ketirgen. Greenpeace iddia etkeni kibi, o, ekologiya içün ciddiy aqibetlerini peyda ettirebile.
Qaradeñiz strategik tedqiqatlar institutınıñ reberi Andrey Klimenko qayd etkeni kibi, gemiler deñizge çıqmağa azır degiller, çünki özen soylarından, em de eski olalar – 1951 ve 1955 çıqış yılları.
Telegram, WhatsApp ve Facebookta Suspilne Qırım haberlerine abune oluñız
