Qara deñizde soñki on yıllarnıñ eñ büyük ekologik felâketlerinden biri oldı. "Volgonafta 212" ve "Volgonafta 239" eki tankeriniñ qazası neticesinde suvğa tahminen 8000 tonna mazut aqtı.
İlk qış ayınıñ 16-nda ayatiyatçı, "Yeşil mektüp" cemaat teşkilâtınıñ reisi Vladıslav Balinskıy "Suspilne. Studiya"nıñ canlı yayınında bunı bildirdi.
"Böyle bir felâket keçken sene de olğan edi — Kahovka faciası. 2007 senesi de aynı şey oldı, o vaqıt deñizge tahminen 3000 tonna yermay töküldi. Amma şimdi vaziyet daa telükeli", — dep ayttı Balinskıy.
Qıyın ava şaraiti vaziyetni daa beter ete. Suvnıñ suvuqlığı sebebinden mazut yuqarıda qalmayıp, tübüne tüşe. Alimniñ qayd etkenine köre, böyle mazut yerlerini tapmaq imkânsız.
"Bunıñ neticeleri on yıllar, belki asırlar devamında olıp qalır. Suvuqlıq köterilgende, bu mazut suvuqlanıp başlaycaq. Tabiatqa ciddiy zarar ketirilecek", — dep qayd etti Balinskıy.
Mütehassısnıñ aytqanına köre, "Volgonafta" faciası, 1990 seneleri ğayrıdan işlengen gemilerniñ qurulışınıñ işançsızlığı sebebinden oldı.
"Bu gemilerni qısqarttılar, qaynadılar, ve endi olar qaynatılğan yerlerde bozuldılar. Bu, qullanuv şaraiti meselesidir", — dep añlattı Balinskıy.
Mazut deñiz müitine ve yalı boyu bölgelerine eñ büyük telükedir. Ayatiyatçınıñ aytqanına köre, Keriç tarafı ve Qırım yarımadası bu faciadan az zarar körer. Rüzgârnıñ yönelişine köre, kirlenüv Anapa ve Bulğaz burnına doğru areket ete.
Keriç boğazında qazası aqqında belli olğanı
İlk qış aynıñ 15 Keriç boğazı yanında "Vologneft 212" ve "Vologneft 239" eki rusiye gemisi batmağa başlağan. Bir geminiñ kenarında ekipajnıñ 13 azası bulunğan edi, başqasınıñ kenarında ise – 14.
Evelden, vaqia sebebi furtuna veye yaramay avası içün tankerlerniñ bozuluvı olğan. İlk qış aynıñ 15 qadar işğal etilgen Qırımda şiddetli yel sebebinden furtuna ihtarını bildirdiler.
Qaza neticesinde ekipajnıñ bir azası elâk olğan. Başqaları artqaç suvumasınen hastahanege yatqızdırılğanlar.
Eki rusiye tankeriniñ qazası, mazutnıñ 4 biñden ziyade tonnasınıñ tokülüvine alıp ketirgen. Greenpeace iddia etkeni kibi, o, ekologiya içün ciddiy aqibetlerini peyda ettirebile.
Qaradeñiz strategik tedqiqatlar institutınıñ reberi Andrey Klimenko qayd etkeni kibi, gemiler deñizge çıqmağa azır degiller, çünki özen soylarından, em de eski olalar – 1951 ve 1955 çıqış yılları.
Ukraina SQniñ Arbiy-deñiz quvetleriniñ nutuqçısı Dmıtro Pletentçuk bildirdi ki, bu eki tanker, kerçekten arbiy sınıf gemileri, deñizge gemilerniñ areket qaidelerine riayet etmeden çıqtı.
İlk qış ayınıñ 16-nda Rusiye Fevqulâde vaziyetler nazirligi "Volgoneft 239" tankeriniñ erkânı tahliye etilgenini bildirdi.
Telegram, WhatsApp ve Facebookta Suspilne Qırım haberlerine abune oluñız
