Qara deñizdeki Kavkaz limanı civarında "Volgoneft-109" tankeriniñ kapitanı yük tanklarından biriniñ sızıqsızlığı sebebinden felâket signalını berdi. Bu, "Volgoneft" tankerleriniñ mazut taşığanından üçünci adisedir.
Baza Telegram kanalında bu aqqında haber etildi.
İlk qış ayınıñ 17-nde saat 00:30ta "Volgoneft-109" tankeriniñ kapitanı belâ haberini berdi. Gemide dörtünci yük tankı bozulğanda, gemide 4 biñ tonna mazut taşıy edi. Yaqarlıq ballast tankına tökülmege başladı, lâkin geminiñ göñlü sızıqsız qaldı, ve yaqarlıq suvğa tökülmedi.
Gemi erkânında 14 adam bar edi. Olarnıñ ayatlarına telüke yoq, dep bildirildi. Geminiñ kapitanı ekipajnı tahliye etmekten vazgeçti, onıñ yerine, kelecek yerni deñiştirmege rica etti. Şimdi "Volgoneft-109" Peklo burnu yanında Kuçuğurı köyü rayonında buluna.
Keriç boğazında qazası aqqında belli olğanı
İlk qış aynıñ 15 Keriç boğazı yanında "Vologneft 212" ve "Vologneft 239" eki rusiye gemisi batmağa başlağan. Bir geminiñ kenarında ekipajnıñ 13 azası bulunğan edi, başqasınıñ kenarında ise – 14.
Evelden, vaqia sebebi furtuna veye yaramay avası içün tankerlerniñ bozuluvı olğan. İlk qış aynıñ 15 qadar işğal etilgen Qırımda şiddetli yel sebebinden furtuna ihtarını bildirdiler.
Qaza neticesinde ekipajnıñ bir azası elâk olğan. Başqaları artqaç suvumasınen hastahanege yatqızdırılğanlar.
Eki rusiye tankeriniñ qazası, mazutnıñ 4 biñden ziyade tonnasınıñ tokülüvine alıp ketirgen. Greenpeace iddia etkeni kibi, o, ekologiya içün ciddiy aqibetlerini peyda ettirebile.
Qaradeñiz strategik tedqiqatlar institutınıñ reberi Andrey Klimenko qayd etkeni kibi, gemiler deñizge çıqmağa azır degiller, çünki özen soylarından, em de eski olalar – 1951 ve 1955 çıqış yılları.
Ukraina SQniñ Arbiy-deñiz quvetleriniñ nutuqçısı Dmıtro Pletentçuk bildirdi ki, bu eki tanker, kerçekten arbiy sınıf gemileri, deñizge gemilerniñ areket qaidelerine riayet etmeden çıqtı.
İlk qış ayınıñ 16-nda Rusiye Fevqulâde vaziyetler nazirligi "Volgoneft 239" tankeriniñ erkânı tahliye etilgenini bildirdi.
Telegram, WhatsApp ve Facebookta Suspilne Qırım haberlerine abune oluñız
