2025 senesi ilk küz ayından itibaren işğal etilgen Qırımdan eñ az 30 qadın Rusiyeniñ SİZO ve müstemlekelerinde tutula. Bazıları yıllarnen apiste yatıp, ciddiy sağlıq meselelerini çekeler, amma kerekli tibbiy yardım alamaylar.
Qırımtatar resurs merkezi bunı bildirdi.
QRM şunı qayd etti: işğal etilgen Qırımda qadınlar muntazam surette aşağılanalar, memuriy ve cinaiy şekilde taqip olunalar, zorbalıq çekeler ve ğayıp olalar. Qadınlar içün tibbiy ve ginekologik hızmetlerniñ yoqluğı, gigiyenik aletlerniñ yoqluğı, ruhiy basqı, qorantalarınen sıñırlı alâqalar sebebinden, müstemleke şaraitine erkeklerge köre dayanmaq daa zor.
"Rusiye Federatsiyasından siyasiy sebeplerden tutulğan bütün qadınlarnı acele azat etmesini ve işğal etilgen Qırımda qadın aqlarınıñ bozulmasını toqtatmasını talap etemiz. Halqara toplulıqnı çette qalmamağa ve Rusiyege qarşı basqını quvetleştirmege çağıramız. Bu malümatnı tarqatmağa çağıramız", — dep QRMniñ beyanatında qayd etildi.
Hatırlatamız ki, ilk küz ayınıñ 3-nde dünya toplulığı Birleşken Milletler Teşkilâtı Baş Assambleyasınıñ 1979 senesi ilk qış ayınıñ 18-nde qabul etkeni qadınlarğa qarşı ayırımnıñ bütün şekillerini yoq etüv şartnamesini qabul etüv yıllığını qayd ete. Vesiqa, qadın aqlarını qorçalamaq içün halqara aletlerden biri oldı.
"Amma, qabul etilgen onlarca yıl keçken soñ, vaqtınca işğal etilgen Qırımda qadınlar insan aqlarınıñ bozuluvına oğrağanlarını qayd etmege mecburmız. Qırımtatar Resurs Merkeziniñ malümatına köre, 2025 senesi ilk küz ayına qadar eñ az 30 Qırım qadını Rusiyeniñ SİZO ve müstemlekelerinde tutula. Bazıları yıllarnen apiste yata ve ciddiy sağlıq meselelerini çekeler, amma kerekli tibbiy yardım alamaylar", — dep QRM qoştı.
Şimdi eñ az 14 qadın müstemlekede buluna:
- Ğoldenberg Valeriya
- Ğorobtsova İrına
- Ğrek Alina
- Ğrekova Nadiya
- Danılovıç İrına
- Cemilova Lera
- Dovğopola Ğalına
- Kolkova Olğa
- Malahova Nina
- Svetlişına Kseniya
- Senecuk Oksana
- Strilets Viktoriya
- Suhonosova Ğanna
- Tımoşenko Nina
SİZOda eñ z 16 qadın tutula:
- Aboyazova Elvira
- Beğey Olğa
- Büyühçan Hatice
- Voynarovska Olena
- Ğayday Larısa
- Dâkunovska Tetâna
- Ersmambetova Niyara
- Kolesnikova Lüdmıla
- Kravçuk Olğa
- Malâr Tetâna
- Pavlenko Tetâna
- Samoylova Yevheniya
- Fomenko Katerına
- Tsırık Olğa
- Şevçenko Olsana
- Ştrifanova Tetâna
Hatırlatamız ki, 2025 senesi armaa ayına qadar işğal etilgen Qırımdan eñ az 26 qadın qanunsız sürette tahqiqat izolâtorlarında ya da işğal etilgen Qırım ve Rusiyeniñ tüzetüv müstemlekelerinde buluna edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
