Qırımnıñ işğal akimiyeti, yarımadanıñ sakinleriniñ aqlarını qanunsız olaraq sıñırlamağa devam ete. Qırımtatar Maaliy Merkezi, şu anda FSBniñ ellerinde bulunğan Qırımdan 9 qadın aqqında haber berdi. Olar arasında bir qırımtatar qadını bar.
Telegramda Merkezniñ resmiy kanalında bu aqqında haber berdiler.
“Eñ zayıf gruppa, Qırım siyasiy mabüsleriniñ apaylarıdır. Çoqusı allarda, diniy, o qadar zengin olmağan, çoq balalılardır. Aileniñ tek çalışqan azası tutulğan soñ qadın aileni tamamen baqmağa mecbur qala”, - dep Qırımtatar Maaliy Merkezi haber berdi.
Qayd etildi ki, siyasiy mabüslerniñ apayları ve anaları aqrabalarını destek etmek içün bir kişilik numayışlarğa keteler, işğal makemeleriniñ binalarına keteler. Bu sebebinden işğalciler olarnı tutıp cezalandıralar ve para cezasını bereler.
"Qadınlar repressiyalarnı çekeler, öldürüv ve ğayıp vaqiaları qayd etildi. Şu anda FSBniñ ellerinde 9 qadın buluna, olardan 1-i qırımtatar”, - dep merkez bildirdi.
Qırımtatar Maaliy Merkeziniñ bilgilerine köre SİZO aşağıdaki qadınlar bulunalar:
- Voynarovska Olena;
- Ğorobtsova İrına;
- Kravçuk Olha;
- Umerova Leniye.
Müstemlekelerde böyle qadınlar bulunalar:
- Ğoldenberg Valeriya;
- Danılovıç İrına;
- Dovğopola Ğalına;
- Malahova Nina;
- Suhonosova Ğanna.
"Rusiyeden qadınlarnı azaplamağa, ayırım yapmağa ve tüm Qırımnıñ sakinlerini qanunsız olaraq taqip etmege bitirmege talap etemiz”, - dep merkez çağırdı.
Telegram ve Facebookta Suspilne Qırım haberlerine abune oluñız
