Rostov-na-Donudaki Cenübiy rayon arbiy mahkemesi, işğal etilgen Qırımdaki Simferopol (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı şeeriniñ sakini 26 yaşındaki Alina Grekni "satqınlıq", "terakt azırlanuvı" ve "ukrain istihbaratınen işbirligi"-nde qabaatlap, 15 yılğa mahküm etti.
Bu aqta Rusiyeniñ "RİA Novosti" agentligi haber ete. Mahkemeniñ saytındaki varaqasına köre, qızğa arman aynıñ 14-de ceza berildi.
"2024 senesi qara qış ayında dersler içün o, Ukraina arbiy istihbaratı hadiminiñ emirinen yaqıcı aletni yaqtı ve onı yerge attı, reberge öz areketleriniñ video qayd etüvini yolladı. O, aletniñ doğru qullanılğanını tasdıqladı ve aletni qullanmaq içün daa birini cemaatçılıqqa çıqarmağa emir etti", – dedi.
Qara qış aynıñ 22-de onı tutıp, Rosfinmonitoringniñ "terroristleri ve ekstremistleri" cedveline kirsettiler.
Alina Grek – Rusiyeniñ idaresi astında olğan Vernadskiy adına QFU-niñ Tavriya akademiyasınıñ sabıq talebesi. 2021 senesi o, ilk kere Simferopolde (Aqmescit) Rusiye havfsızlıq küçleri tarafından o vaqıtta apishanede olğan muhalifet lideri Öleksiy Navalnıyğa yardım areketleri vaqtında tutuldı. Apiske alınğan soñ, mahkeme onı beş künge tevqif etti. Onen beraber onıñ aqayı Yevğeniy Grek de tutuldı.
Telegram, WhatsApp, Facebook ve YouTube-ta Suspilne Qırım haberlerine abune oluñız
