2024 senesi saban ayınıñ 27-nde Qırımda Larısa Ğayday, ertesi künü ise — Tetâna Pavlenko (Sımonenko) ve Elvira Aboyazova ğayıp oldılar. Bundan evel olarnıñ bulunğan yeri belli degil edi. Soñki malümatlarğa köre, qadınlar tutulıp, Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 2-nci SİZOsında tutula. İşğalli akimiyet Qırım sakinlerine qarşı qabaatlavlarnı bildirmey.
Qırımtatar Resurs Merkezi qadınlarnıñ tutuluvı aqqında bildirdi.
Qırımtatar Resurs Merkezi bir yıl evelsi olarnıñ ğayıp olğanlarını qayd etti, lâkin yaqında olarnıñ bulunğan yeri aqqında tasdıq aldı — olar Simferopolnın (Aqmescitniñ — terciman) 2-nci SİZOsında tutula", — dep QRM bildirdi.
İşğalli Qırım akimiyeti tarafından tutuluvnıñ sebepleri, qabaatlavları ya da apiske alınğanlarınıñ esasları ya da olarnıñ uquqiy statusı aqqında resmiy malümat daa yoq.
"Bu, işğalli Rusiye qurulışlarınıñ 2024 senesinden berli faal sürette qullanğanı tipik ameliyatnıñ daa bir örnegidir: insanlarnı alıp keteler ya da tutıp alalar, bundan soñ olar aqqında ne tuvğanları, ne uquq qorçalayıcılar, ne de cemaatqa haber etile. Apiske alınğan soñ bir qaç ay ya da bir yıl keçken soñ, ne yerde tutulğanı aqqında malümat peyda ola", — dep QRM bildirdi.
Qırımdaki qadınlarnıñ taqip etilüvi artqanı sebebinden, QRM halqara toplulıqqa muracaat ete.
"Qırımtatar Resurs Merkezi halqara toplulıqnı vaqtınca işğal etilgen yarımadada zorbalıqnen ğayıp oluv, qadınlarnıñ taqip etilüvi ve insan aqlarınıñ bozuluvına diqqat ayırmağa çağıra. İşğalli Rusiye memuriyetiniñ bu areketleri tek halqara uquqqa zıt kelmey, aynı zamanda qorqu, izolâtsiya ve cezasızlıq müitini yarata", — dep haberde qayd etildi.
Hatırlatamız ki, evel Qırımtatar Milliy Meclisiniñ reisi Refat Çubarov, Qırımda çoq vaqıt olmağan soñ, qart ana-babalarını ya da hasta soy-soplarını ziyaret etmege qarar bergen qırımtatarlar FSB tarafından bir qaç kere tutulğanı aqqında bilgenini bildirdi. İşğalli quvetçilerniñ qabaatlavları şimdilik belli degil.
"Yazıq ki, biz qabaatlavnıñ bütün şaraitini ve manasını bilmeymiz, çünki tutulğanlarnıñ tuvğanları FSB tarafından qorqıp, alâqalardan vazgeçeler", — dep Çubarov Facebookta yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
