Kiçik aynıñ 12-de işğal etilgen Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) FSB hadimleri 45 yaşındaki Tetâna Ştrifanovanı yaqaladılar. Bundan soñ onıñ bulunğan yeri ve uquqiy statusı belli degil edi. Şimdi belli oldı ki, qadın qanunsız alda Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 2-nci tahqiqat izolâtorında tutula.
QRMniñ idare reisi Eskender Bariiev Facebookta bunı bildirdi.
"2025 senesi kiçik aynıñ 12-nde saba saat 8-de FSB hadimleri Yevpatoriya şeerinde Çapayeva ve Konstıtutsiyi soqaqlarınıñ çatışmasında qadınnı tuttılar. Apiske alınğan vaqıt o, qardaşı İnna Ştrifanovanen beraber edi. Ekisi de FSB idaresine alıp ketirildi. Subetten soñ İnna Ştrifanova azat etildi, Tetâna ise qaldırıldı. Uzun vaqıt devamında Tetâna Ştrifanovanıñ bulunğan yeri belli degil edi", — dep Bariiev yazdı.
Onıñ aytqanına köre, işğalli qurulışlarğa çoq muracaat etkenine baqmadan, Tetâna Ştrifanovanıñ vaziyeti, tutuluv yeri ya da uquqiy statusı aqqında resmiy malümat ailesine berilmedi. İşğalli quvetçiler, "cinayet alâmetleri yoq" dep, qanunsız apis cezasını bermekten vazgeçtiler. Qadınnı tışqı dünyanen bağsız tutmağa devam eteler.
"Qırımtatar Resurs Merkeziniñ öz menbalarından ögrendi ki, qadın Simferopolnıñ (Aqmescitniñ — terciman) 2-nci tahqiqat izolâtorında qanunsız tutula. Qırımdaki qadınlarnıñ taqip etilüviniñ artqanını qayd etmek mecburım, bu ise işğalli akimiyet tarafından repressiyalarnıñ maqsatlı siyasetiniñ daa bir delilidir", — dep Bariiev qayd etti.
Hatırlatamız ki, evel işğal etilgen Qırımda bunıñ kibi bir vaqia belli oldı — 2024 senesi saban ayınıñ 27-nde Qırımda Larısa Ğayday, ertesi künü ise — Tetâna Pavlenko (Sımonenko) ve Elvira Aboyazov ğayıp oldı. Bir yıldan berli olarnıñ bulunğan yeri belli degil edi. Soñki malümatlarğa köre, qadınlar tutulıp alınğan ve Simferopoldaki (Aqmescitteki) 2-nci SİZOda bulunalar. İşğalli akimiyet Qırım sakinlerine qarşı qabaatlavlar aqqında haber etmey.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
