İşğalciler 2024 senesi ilk qış ayında olıp keçken "Volgoneft" tanker qazasınıñ neticelerini yoq etmediler, hususan, yermay mahsulatlarınen bulunğan topraq ve qum toplanması devam ete. İşğal etilgen Qırımda umumen 1758 yüz tonna toplandı.
Bu aqta RFV nazirligi haber ete.
"Qırımda yalı boyunıñ 500 kilometri teşkerildi – Kerçten (Keriç)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı Portove köyüne qadar 908,4 tonna toplandı. Sevastopolde (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı yalı boyunıñ 165 kilometri teşkerildi – 850 tonnası toplandı", – denile beyanatta.
Hatırlatamız ki, tanker qazası boyunca Rusiye Federatsiyası Krasnodar vilâyetiniñ Arbitraj mahkemesiniñ toplaşuvında "Rosprirodnadzor"nıñ vekili, 2024 senesi ilk qış ayında batqan "Volgoneft-212" tankeriniñ yermay mahsulatları Qara deñizge tökülmege devam eteyatqanını bildirdi.
Bundan da ğayrı, tankerniñ saibi ve geminiñ kiralağanı, felâketli vaziyetniñ neticelerini yoq etilmesinde iştirak etmeyler ve ekologiyağa ketirilgen zararnı qarşılamadılar.
Kiraz ayında "Volgatransneft" şirketi, makemede 2024 senesi ilk qış ayında Kerç (Keriç)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı boğazında batqan "Volgoneft-239" tankeriniñ ög tarafını kötermek mesülietlerini "Qırım ükümeti"ne berilmesine dair qararını lâğu etmek içün makemede tırıştı.
Bundan da ğayrı, "Kiyev-Mogilân akademiyası" milliy universitetiniñ tabiatşınaslıq fakültetiniñ dekanı Yevgen Hlobıstov "Suspilne Qırım"-ğa öz tefsirinde böyle dedi: Rusiye akimiyeti, "Volgoneft" tanker qazasından soñ Qara deñizdeki suvda mazutnıñ qaldıqlarını tapmaq içün araştırmalar keçirmey. Soñki kere qışta böyle sınavlar yapılğanda, olar iç bir türlü kirlenüv tapılmağanını bildirdiler.
Ukraina Prezidentiniñ Qırım MC-deki vekilligi qayd ete ki, qaza aqibetlerini yoq etmek içün Rusiye ükümeti tarafından ayırılğan paralar yeterli degil, deñiz ekosistemalarını tiklemek içün ise keñ halqara işbirlik, er taraflama yanaşuv ve Qırımnı deokkupatsiya etmek kerek.
Keriç boğazındaki qaza aqqında ne bilemiz
İlk qış aynıñ 15-nde Keriç boğazı yanında "Volgoneft 212" ve "Volgoneft 239" eki rusiye gemisi batmağa başlağan. Bir geminiñ kenarında ekipajnıñ 13 azası bulunğan edi, başqasınıñ kenarında ise – 14.
Evelden, vaqia sebebi furtuna ya da yaramay avası içün tankerlerniñ bozuluvı olğan. İlk qış aynıñ 15-ine qadar işğal etilgen Qırımda şiddetli yel sebebinden furtuna ihtarını bildirdiler.
Qaza neticesinde ekipajnıñ bir azası elâk olğan. Başqaları artqaç suvumasınen hastahanege yatqızdırılğanlar.
Eki rusiye tankeriniñ qazası, mazutnıñ 4 biñden ziyade tonnasınıñ tokülüvine alıp ketirgen. Greenpeace iddia etkeni kibi, o, ekologiya içün ciddiy aqibetlerini peyda ettirebile.
Qaradeñiz strategik tedqiqatlar institutınıñ reberi Andriy Klımenko qayd etkeni kibi, gemiler deñizge çıqmağa azır degiller, çünki özen soylarından, em de eski olalar – 1951 ve 1955 çıqış yılları.
Ukraina Arbiy-deñiz quvetleriniñ spikeri Dmıtro Pletentçuk bildirdi ki, bu eki tanker, kerçekten arbiy sınıf gemileri, deñizge gemilerniñ areket qaidelerine riayet etmeden çıqtı.
İlk qış ayınıñ 16-nda Rusiye Fevqulâde vaziyetler nazirligi "Volgoneft 239" tankeriniñ erkânı tahliye etilgenini bildirdi.
Etraftaki müit nazirligi, ilk qış ayınıñ 15-nde "Volgoneft-212" ve "Volgoneft-239" Rusiye tankerleriniñ qazası neticesinde çıqqan mazutnıñ Qara deñiz ekosisteması içün "felâketli aqibetleri" ola bilecegini bildirdi.
"Yeşil mektüp" cemaat teşkilâtınıñ yolbaşçısı, biolog Vladıslav Balinskıy Suspilne Qırımğa izaat bergende bu qazanı "asırnıñ eñ büyük ekologik felâketi" dep adlandırdı.
İlk qış ayınıñ 17-nde Qara deñizdeki Kavkaz limanı rayonında "Volgoneft-109" tankeriniñ kapitanı yük tanklarından biriniñ sızıqsızlığı sebebinden felâket signalını berdi. Bu endi üçünci kere "Volgoneft" tankerleriniñ mazut taşımasıdır.
İlk qış ayınıñ 19-nda ekipaj azasınıñ ölümine ketirgen "Volgoneft-212" tankeriniñ kapitanı eki ayğa - kiçik aynıñ 17-ne qadar apiske alındı. "Volganeft-239" gemisiniñ kapitanı ise ev apsinde tutıldı.
İlk qış ayınıñ 20-nde Greenpeace, Anapadan Qırım köprüne qadar 65 km2 suv, batqan "Volgoneft" tankerlerinden birisinden aqqan mazutnen kirlengenini bildirdi. Etraftaki müit qorçalayıcıları felâketniñ miqyası daa büyük ola bilecegini tenbileyler.
İlk qış ayınıñ 20-nde Keriç boğazında Gvineya-Bisaunıñ gemisi astında yaldap ketken "Gam Express" felâket signalını berip, yardım içün muracaat etti.
İlk qış ayınıñ 21-nde Keriçniñ işğalli akimiyeti şeer plâjlarında mazut tapılğanı içün belediye fevqulâde vaziyetini ilân etti.
2025 senesi qara qış ayınıñ 4-nde işğal etilgen Sevastopolda (Aqyar) ilk qış ayınıñ 15-nde Keriç boğazında eki tankerniñ qazası sebebinden bölge emiyetli fevqulâde vaziyet rejimi ilân etildi.
Telegram, WhatsApp, Facebook ve YouTube-ta Suspilne Qırım haberlerine abune oluñız
