Arman ayınıñ 18-de Ukrayina ve AQŞ prezidentleri Vaşingtonda körüşip, işğal etilgen Qırım meselesini muzakere ettiler. Ukrayina lideriniñ aytqanına köre, yarımadadaki vaziyet aqqında çoq laf etildi. 2014 senesi Rusiyenen vaziyetni başqaca al etmek kerek edi, hususan işğal etken devletke qarşı sanktsiyalar kirsetmek kerek edi.
Prezident Zelenskıy jurnalistlernen körüşüvde bunı ayttı, dep Suspilne mühbiri haber etti.
"Qırım aqqında çoq laf ettik, hususan harita aqqında. Men bu eñ büyük mesele olğanını ayttım. O (Trump — muar.) Ukrayina çıqqanını, onıñ fikirince, büyük bir hata olğanını ayttı. Onıñ qayd etkenine köre, Qırım — büyük cenkniñ anahtarıdır. Ve o dedi ki, ObamaBarak Obama — Amerika Qoşma Ştatlarınıñ 44-inci prezidenti (2009-2017) bu imkânnı bermese edi, Putin Qırımnı ve Donbasnı işğal etip olamağan olsa edi, o, büyük cenk başlatmaz edi", — dep Zelenskıy bildirdi.
Ukrayina prezidentiniñ fikrine köre, Qırımnın işğali Rusiye Federatsiyasına yarımadanı arbiyleştirmege ve onı 2022 senesi büyük istilâ içün meydanğa ketirmege imkân berdi.
"Putin Qırımnı askeriyleştirdi, dep ayttım, onı cenübiy operatsiya içün meydan olaraq azırladı. Men dedim ki, mesele şunda ki, Qırım Rusiye tarafından işğal etilgen soñ, ne Amerika Qoşma Ştatları, ne de bütün dünya Rusiyege qarşı kerçekten tesir etecek sert sanktsiyalar kirsetildi. Bu sebepten kerçek basqı ve kerçek havfsızlıq kefaletleri pek müimdir", — dep Ukrayina prezidenti qoştı.
Hatırlatamız ki, Donald Trump keçken künü Fox News canlı yayınında 2014 senesinde Rusiyenen cenk başlanmasınıñ sebeplerini talil etip, Putin Qırımnı almaq ve Ukrainanıñ NATOğa kirmesine yol bermemek istegenini qayd etti. AQŞnıñ şimdiki yolbaşçısı yarımadanıñ işğali içün o vaqıt Amerika lideri olğan Barak Obamanı qabaatladı.
"Cenk kerçekten NATO ve Qırım sebebinden başlandı — olar (ruslar — muar.) Qırımnı qaytarmağa istey ediler. Bu, belki de, menim körgenim eñ yaramay mülk añlaşması çerçivesinde Obama tarafından bir kere bile ateş açılmayıp yapıldı. Onıñ içün olar (ukrayinliler — muar.) öz deñiz yalı toprağınıñ çoqusını berdiler, barışıq içün. Bu nasıl çalışqan edi? Pek yahşı degil. Qırım — Ukrayinanıñ incisi, ve Obama onı berdi. Onı teslim etmege talap etti. Rusiye kelip, onı baladan tatlı kibi alıp ketti. Ve bu, kerçekten de, Obamanıñ hatası edi", — dep Trump ayttı.
Arman ayınıñ 18-nde Trupmnıñ Zelenskıynen körüşüvi aqqında ne bilemiz
Arman ayınıñ 18-nde AQŞ prezidenti Trump ve Ukrayina prezidenti Zelenskıy arasında sammit olıp keçti. Ukrayina lideri açıq eki taraflı körüşüvni "muvafaqiyetli" olaraq tanıdı. Onıñ aytqanına köre, bu olarnıñ eñ yahşı subeti edi. O şunı da qayd etti ki, topraq deñiştirüvinen bağlı "hassas meseleler" tek Ukrayina, AQŞ ve Rusiye liderlerinen üç taraflı körüşüvde muzakere etile bile.
Zelenskıy ve Trump Ukrayina içün havfsızlıq kefaletlerini ve Putinnen üç taraflı muzakerelerni muzakere ettiler. Bundan da ğayrı, cenk meydanı vaziyeti ve silâ meselesi baqıldı. Ukrayina lideri qayd etti ki, ordu silâlanuvınıñ maliye etilmesi, hususan ava mudafaası saasında, kelecekte havfsızlıq kefaletleriniñ esas qısmı olacaq.
Zelenskıynen beraber Vaşingtonğa Almaniya kantsleri Fridrih Merts, İtaliya baş naziri Corca Meloni, Finlândiya prezidenti Aleksandr Stubb, Frenkistan prezidenti Emmanuel Makron, Büyük Britaniya baş naziri Kir Starmer ve NATOnıñ baş kâtibi Mark Rütte keldiler. Olar Oval odasında muzakerelerge qoşuldılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
