Qara qış ayınıñ 6-nda Keriç boğazında eki Rusiye tankeriniñ batqanı sebebindenmazutnen kirlengen leke Kefede tahminen eki kvadrat kilometrge tarqaldı.
Ukraina etraftaki müit qoruvı ve tabiat resursları nazirliginiñ matbuat hızmeti bu aqqında haber etti.
Anda qayd ettiler ki, qara qış ayınıñ 4-nde Sentinel-1 yoldaş nezareti, Feodosiya (KefeRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) civarında eki kvadrat kilometr ve Takil burnu civarında 0,25 kvadrat kilometr meydanlıqta neft mahsulatınen lekeler şeklinde kirlengen yerler qayd etti. Bundan ğayrı, Partenit ve Sudaq arasında kirlenüv izleri tapıldı.
Qara qış ayınıñ 5-nde yapılğan yoldaş resimleri Qırımnıñ cenübiy yalısında mazutnıñ tarqalğanını tasdıqladı. Bu yerde Sevastopol (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Kaça şeerlerinde 15 km uzunlığında mazut lekeleri qayd etildi, kirlenilgen suv alanınıñ umumiy meydanlığı tahminen 1000 kvadrat kilometr edi", — dep aytıla haberde.
Bu devirde kütleviy haber vastaları Laspi, Balıqlava körfezi, Sevastopol (Aqyar), Yevpatoriya (KezlevRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad), Köktebel, Aluşta ve Gurzuf rayonlarında quşlar kirlengenini bildirdiler. Bundan ğayrı, 61 yunus balığı elâk oldı.
"Qavqaz yalısında Panagiya burundan Anapağa qadar kirlilik muntazam sürette qayd etile. Bu rayonlarda mazut taşqını qayd etildi, olar em tanker qazası, em de evelden çıqarılğan mazutnıñ ğayrıdan dağıtılmasınen bağlı ola bile. Şu anda yalı ve deñiz suvlarınıñ esas kirliligi, yel ve aqıntılarnıñ tesiri altında, qaza vaqtında suvğa tüşken mazut tarqalğanı sebebinden peyda oldı. Mazutnıñ büyük miqdarı Qırımnıñ cenübiy ve cenübiy-ğarbiy yalılarına yete ve bölgeniñ ekosisteması içün ciddiy telüke yarata", — dep nazirlik añlattı.
Keriç boğazındaki qaza aqqında ne bilemiz
İlk qış aynıñ 15-nde Keriç boğazı yanında "Volgoneft 212" ve "Volgoneft 239" eki rusiye gemisi batmağa başlağan. Bir geminiñ kenarında ekipajnıñ 13 azası bulunğan edi, başqasınıñ kenarında ise – 14.
Evelden, vaqia sebebi furtuna ya da yaramay avası içün tankerlerniñ bozuluvı olğan. İlk qış aynıñ 15-ine qadar işğal etilgen Qırımda şiddetli yel sebebinden furtuna ihtarını bildirdiler.
Qaza neticesinde ekipajnıñ bir azası elâk olğan. Başqaları artqaç suvumasınen hastahanege yatqızdırılğanlar.
Eki rusiye tankeriniñ qazası, mazutnıñ 4 biñden ziyade tonnasınıñ tokülüvine alıp ketirgen. Greenpeace iddia etkeni kibi, o, ekologiya içün ciddiy aqibetlerini peyda ettirebile.
Qaradeñiz strategik tedqiqatlar institutınıñ reberi Andriy Klımenko qayd etkeni kibi, gemiler deñizge çıqmağa azır degiller, çünki özen soylarından, em de eski olalar – 1951 ve 1955 çıqış yılları.
Ukraina Arbiy-deñiz quvetleriniñ spikeri Dmıtro Pletentçuk bildirdi ki, bu eki tanker, kerçekten arbiy sınıf gemileri, deñizge gemilerniñ areket qaidelerine riayet etmeden çıqtı.
İlk qış ayınıñ 16-nda Rusiye Fevqulâde vaziyetler nazirligi "Volgoneft 239" tankeriniñ erkânı tahliye etilgenini bildirdi.
Etraftaki müit nazirligi, ilk qış ayınıñ 15-nde "Volgoneft-212" ve "Volgoneft-239" Rusiye tankerleriniñ qazası neticesinde çıqqan mazutnıñ Qara deñiz ekosisteması içün "felâketli aqibetleri" ola bilecegini bildirdi.
"Yeşil mektüp" cemaat teşkilâtınıñ yolbaşçısı, biolog Vladıslav Balinskıy Suspilne Qırımğa izaat bergende bu qazanı "asırnıñ eñ büyük ekologik felâketi" dep adlandırdı.
İlk qış ayınıñ 17-nde Qara deñizdeki Kavkaz limanı rayonında "Volgoneft-109" tankeriniñ kapitanı yük tanklarından biriniñ sızıqsızlığı sebebinden felâket signalını berdi. Bu endi üçünci kere "Volgoneft" tankerleriniñ mazut taşımasıdır.
İlk qış ayınıñ 19-nda ekipaj azasınıñ ölümine ketirgen "Volgoneft-212" tankeriniñ kapitanı eki ayğa - kiçik aynıñ 17-ne qadar apiske alındı. "Volganeft-239" gemisiniñ kapitanı ise ev apsinde tutıldı.
İlk qış ayınıñ 20-nde Greenpeace, Anapadan Qırım köprüne qadar 65 km2 suv, batqan "Volgoneft" tankerlerinden birisinden aqqan mazutnen kirlengenini bildirdi. Etraftaki müit qorçalayıcıları felâketniñ miqyası daa büyük ola bilecegini tenbileyler.
İlk qış ayınıñ 20-nde Keriç boğazında Gvineya-Bisaunıñ gemisi astında yaldap ketken "Gam Express" felâket signalını berip, yardım içün muracaat etti.
İlk qış ayınıñ 21-nde Keriçniñ işğalli akimiyeti şeer plâjlarında mazut tapılğanı içün belediye fevqulâde vaziyetini ilân etti.
Suspilne saytınen tecribeñizni paylaşıp, bizge daa yahşı olmağa yardım etiñiz. Beş daqqa vaqıt alacaq bu qısqa bir soravdan keçiñiz. Teşekkürler!
Telegram, WhatsApp ve Facebookta Suspilne Qıım haberlerine abune oluñız
