İşğal etilgen Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) bir neft bazasında yanğın çıqtı. İşğalli Qırım yolbaşçısınıñ mesleatçısı Krüçkov bildirdi ki, demir işleri tehnologiyasınıñ bozuluvı sebebinden boş konteyner yanıp başladı.
Krüçkov Telegramda bunı yazdı.
"Feodosiya neft bazasında boş konteyner yanıp başladı. Demir işleri bozuluvı. Rusiye fevqulâde vaziyetler nazirliginiñ esapları çalışa. Feodosiya neft bazası Qırımnıñ benzin noqtalarına PMM berilmesinde iştirak etmey. Eski suv anbarlarından birinde mazut qalımtıları yana", — dep işğalli memur yazdı.
UPD// RİA "Novosti Krım" işğalli qurtarıcılarğa esaslanıp, işğal etilgen Feodosiyada (Kefede) 637 kvadrat metrlik neft bazasında yanğın meydanlığı olğanı aqqında bildire. 69 qurtarıcı ve 22 tehnika söndürüvge celp etildi.
Bugün, ilk küz ayınıñ 29-da, işğalciler Qırım köpründen areketni qapatıp, Sevastopolda (Aqyarda) deñiz yolcu naqliyatınıñ areketini eki kere toqtattılar — saba saat 8:00 ve kündüz ava telükesi sebebinden.
"ÇP/Qırım" Telegram kanalında yerli sakinler yanğın videolarını paylaşa.
Hatırlatamız ki, işğal etilgen Kefede 2024 senesi orta küz ayınıñ 7-ne keçer gecesi ücüm etilgen edi. O vaqıt şeerde yanğın sebebinden şeer fevqulâde vaziyet rejimi ilân etilgen edi. Soñ ruslar neft bazasını ğayrıdan açtılar ve telnen qoruvnı quvetleştirdiler, qulleler, kameralar, gizleyici vastalar ve dronlardan qoruv ağlarını yerleştirdiler. Obyektniñ üstünde helikopter tura.
Kefedeki yermay bazasına ücüm aqqında ne bilemiz
İşğalli Kefe şeeriniñ akimiyeti bildirdi ki, orta küzniñ 7. gecesi şeerde bir qaç patlama oldı. Qırımnıñ eñ büyük "Kefe" yermay deñiştirüv terminalında yanğın çıqtı. Umumen yarımadada eki böyle terminal bar. Ekincisi Aqyarda yerleşe.
Aynı şu künü Ukraina Silâlı quvetleriniñ raketa ordularınıñ bölükleri mudafaa quvetleriniñ başqa qısımlarınen beraber işğal etilgen Kefede deñiz yermay terminalına zarar ketirgenlerini tasdıqladı.
Kefedeki yermay bazasını bir buçuq ay içinde ğayrıdan tikleycekler, dep "Suspilne. Studiya"da arbiy mütehassıs, "Strategiya XXI" Globalist Merkeziniñ havfsızlıq programmalarınıñ reberi Pavlo Lakiyçuk bildirdi. Bu, Rusiye ordusınıñ cenübiy Ukrainada ve yarımadada logistikanen bağlı ciddiy toqtatıluvı ve zarar ola bilir. Onıñ fikirince, Qırımnıñ vatandaşları içün de aqibetleri olacaq.
Orta küz ayınıñ 10-nda, yermay terminalı ücüm etilgen soñ, yerli akimiyet 1137 insannı tahliye etti.
Suspilne Qırımğa arbiy mütehassıs Vladıslav Seleznöv qayd etkenine köre, bu, bu terminalğa ilk büyük ve semereli ücümdir. Yanğın bir qaç kündir devam ete, ve sıcaq sebebinden onı söndürmek imkânsız.
Ukraina prezidentiniñ Qırım Muhtar Cumhuriyetindeki daimiy temsilcisiniñ yardımcısı Denıs Çıstikov bildirdi ki, işğalciler, yermay bazası ücüm etilgen soñ, yaqarlıq satılmasına sıñırlav kirsetmege mecburlar.
2024 senesi saban ayında bu neft bazasına da dronlar ücüm etti, o vaqıt esas neft borusı zarar kördi. Aynı obyekt 2024 senesi ilk qış ve boş aylarında ücüm etilgen edi.
2025 senesi arman ayııñ 6-nda "Qırım.Aqiqat" neşiri yerli faalniñ malümatını anonimlik şartınen derc etti, onıñ aytqanına köre, Kefe neft bazası rayonında "2025 senesi arman ayınıñ 1-ne keçer gecesi deñiz üstünde başta AMS atışı, soñ ekinci atışı çıqtı, o, maqsadqa urdı, patlav dalğası yalı kenarındaki evlerniñ pencerelerini sarsıtqan edi. 2025 senesi arman ayınıñ 2-ne keçer gecesi, deñiz üstünde bayağı gürültülü edi, silâsız közetüv sisteması ve patlavları köründi". Ukraina tarafı bu malümatnı izaatlamadı.
Neşirniñ menbası ayttı ki, işğalciler bundan soñ neft bazasınıñ işini ğayrıdan tiklediler ve qoruvnı quvetleştirdiler: perimetrni telnen sarıp aldılar, qulleler, kameralar, gizleyici vastalar ve dronlardan saqlav ağlarını yerleştirdiler. Obyektniñ üstünde helikopter tura.
İlk küz ayınıñ 29-nda başlap işğal etilgen Sevastopolda (Aqyarda) benzin satıluvına sıñırlav kirsetildi. TES ağınıñ benzin stantsiyalarında aydavcılar "bir elge" — maşna ya da bir kanistrni yaqarlıqnen toldurmaq içün eñ çoq 30 litr AI-100, AI-95NP, AI-95 ve AI-92 markalarınıñ yaqarlığını ala bileler.
Окупаційний глава Сергій Аксьонов визнав перебої та пообіцяв відновити постачання.
İşğalli Qırım yolbaşçısı Sergey Aksönov bildirdi ki, yaqarlıq qıtlığı Rusiyeniñ yermay zavodlarında "mahsulatnıñ eksilüvi" sebebinden peyda oldı.
"Eki kün devamında benzin stantsiyalarını kerekli miqdarda AI-95 benzininen temin etmek planlaştırıla. Eki afta içinde AI-92 benzininiñ barlığı meselesi çezilecektir", — dep qayd etti o.
Ukrayina prezidentiniñ Qırım Muhtar Cumhuriyetindeki temsilciligi Suspilne Qırımğa işğalcilerniñ kerçekten de logistika meseleleri bar olğanını tasdıqladı.
"Qırım köprü bozulmadan evel partiyalar (benzin — terciman) demiryol naqliyatınen kele edi, partiyalar deñiz naqliyatınen kele edi. Silâlı quvetlerniñ muvafaqiyetli ücümlerinden soñ ve em Qırım köprü, em de deñiz teminatı bozulğan soñ, olar şimdi vazgeçtiler ve çoqusını maşna naqliyatınen temin etmege tırışalar", — dep Suspilne Qırımğa Ukrayina prezidentiniñ QMC daimiy temsilcisiniñ muavini Denıs Çıstikov bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
