Orta küz ayınıñ 7-nde işğal etilgen Qırımda bir qaç patlama oldı. Kefe yermay taşıyıcı terminalı yanıp başladı. Zarar körgenler yoq. Şeerge böyle denilgen Qırım Cumhuriyetiniñ vitse baş naziri İgor Mihayliçenko keldi.
Bunı Kefe işğalli memuriyetiniñ yolbaşçısı İgor Tkaçenko bildirdi.
Onıñ aytqanına köre, yanğın sebebinden Ğeologiçna ve Fedka soqaqları Keriç qara yolunen çatışqan yerden avtovokzal rayonına qadar areket qapatıldı.
Umumen işğal etilgen Qırım toprağında bugünden berli 12 uçucısız alet tüşürildi, dep bildirdi Rusiye Mudafaa nazirligi. Buña baqmadan, memuriyetniñ saba maruzasında yanğan Kefede yermay zavodı aqqında söz yürsetilmedi.
Kefe yermay taşıyıcı terminalı aqqında ne bilemiz
Kefe yermay taşıyıcı terminalı işğal etilgen Qırımda yermay mahsulatınıñ taşıma miqdarı boyunca eñ büyük terminal sayıla. Umumen yarımadada eki böyle terminal bar, ekincisi vaqtınca işğal etilgen Aqyarda yerleşe. Yermay bazası Kefeniñ, Qoran Eli köyünden uzaq olmağan, şarq tarafında yerleşe.
2024 senesi saban ayında ona uçucısız aletler edi ücüm ettiler, o zaman esas yermay borusı zarar kördi. Keçken sene ilk qış ve boş aylarda aynı bu yermay bazasına ücüm etildi.
Telegram, WhatsApp ve Facebookta Suspilne Qırım haberlerine abune oluñız
