Ukraina mudafaa quvetleri orta küz ayınıñ 7-nde vaqtınca işğal etilgen Qırımnıñ Kefe şeerinde deñiz yermay terminalına muvafaqiyetli ücüm ettiler.
Ukraina Silâlı Quvetleriniñ Baş ştabı bu aqqında haber berdi.
Ücümlerni Ukraina Silâlı quvetleriniñ raketa ordularınıñ bölükleri Ukraina mudafaa quvetleriniñ başqa qısımlarınen işbirlikte yaptılar. Bu, Rusiye Federatsiyasınıñ arbiy-iqtisadiy imkânlarını bozmaq maqsadınen yapılğan tedbirlerniñ nevbetteki adımıdır. Baş ştabnıñ qayd etkenine köre, bu kibi tedbirler devam ete.
Arbiy mütehassıs İvan Stupak Suspilne Qırımğa Qırımdaki yermay zavodına böyle ücümlernen içki bazarda yaqarlıq qıtlığına irişmek mümkün olğanını ayttı. Onıñ aytqanına köre, bu ihracatnıñ eksilmesine ketirecek, bu ise devlet bücetine kelirlerniñ eksilmesine ketirecek, neticesinde orduğa para berilmesi azlaşacaq.
"Bu para. İstegi yoq, ihracat yoq, satuv yoq, para qaytuvı yoq, bücet şekillendirilmey. Kelecek sene içün Rusiyeniñ büceti yalıñız cenk içün 142 milliard dollarnı teşkil ete. Eger, misal içün, minus eki milliard dollar olsa, bu endi büyük bir artıq olur. Birisiniñ esabına bunı almağa kerek olacaq", — dep işana İvan Stupak.
Hatırlatamız ki, Kefeniñ işğalli şeer akimiyeti orta küz ayınıñ 7-nde şeerde bir qaç patlama olğanını bildirdi. Kefe yermay taşıyıcı terminalı yanıp başladı. Zarar körgenler yoq.
Telegram, WhatsApp ve Facebookta Suspilne Qırım haberlerine abune oluñız
