Qırımda azat etilgen askerlerni mecburiy askerlikke çağıralar — temsilcilik

İşğal etilgen Qırımda keçenlerde azat etilgen askerlerniñ mecburiy askerlikke çağırıluvı qayd etile. Bu hususan, askerlikten boşatılğan soñ, hızmetke qaytarılğan askerlerdir.

Ukrayina prezidentiniñ Qırım Muhtar Cumhuriyetindeki temsilciligi bunı bildirdi.

"Bu sıq-sıq, bir qısımnıñ cenkke azırlığına tesir ete bilecek añlaşmanı imzalamaqtan vazgeçken arbiy hızmetçilerge aittir. Böyle bir vaqialardan biri, ava mudafaası bölüginiñ komandanı, hızmet vaqtında özüni yahşı köstergen, amma añlaşma imzalamaqtan vazgeçken "dembel"ni askerlikke çağırmağa talap etkende oldı. Yerli arbiy komissarnıñ itirazlarına baqmadan, "yukarıdan" berilgen emir askerlikke çağurvnı resmiyleştirmege mecbur etti", — dep temsilcilik bildirdi.

Prezidentniñ Qırım Muhtar Cumhuriyetindeki temsilciliginiñ uquq qorçalyıcıları böyle bir adetniñ kütleviy ola bilecegini tahmin eteler, amma Rusiye arbiy hızmetçileri ve işğalli memuriyeti böyle adiselerni resmen izaatlamay.

Hatırlatamız ki, Rusiye Devlet duması üçünci oquvda 973851-8-nci qanunnı qabul etti. Şimdilik askerlikke çağıruvnen bağlı tedbirler — tibbiy eyyet, psihologik saylav ve eyyet toplaşuvları — tek baar ve küzde degil de, bütün taqvim yılı devamında keçirilecek. Qabul etilgen deñişmelerge binaen, vatandaşlarnıñ askerlikke çağıruvı Rusiye Federatsiyasınıñ lideri buyruğı esasında bütün taqvim yılı devamında (qara qış ayınıñ 1-den ilk qış ayınıñ 31-e qadar) yapılacaq.

2025 senesi işğalli Qırım akimiyeti 22-nci kütleviy askerlikke çağıruv kampaniyasını keçire. İşğal etilgen Qırımda ilk sefer "tek arbiy cedvel cedveli" çalışıp başladı, onıñ yardımınen ruslar devlet organları ve iş bericilerinden kelecek "askerlikke çağırılacaqlar" aqqında malümat ala. Ondan qaçınmaq içün gençler resmiy işten vazgeçeler, rayonlar arasında köçeler, yaşağan yerini gizlemege tırışalar, dep prezidentniñ temsilciligi bildirdi.

Ukrayina TİN işğal etilgen topraqlarnıñ, hususan Qırımnıñ, sakinlerini Rusiye ordusında mecburiy hızmetten qaçınmağa çağırdı ve işğalcilerniñ areketleriniñ qanunsızlığını qayd etti.

"Rusiye bu "askerlikke çağurv"nı elde etip, halqara uquq mecburiyetlerini boza, şu cümleden, cenk vaqtında vatandaşlarnı qoruv aqqında IV Jeneva şasrtnamesiniñ 51-inci maddesini boza. O, işğalci devletke onıñ nezareti altında olğan topraqta bulunğan şahıslarnı onıñ silâlı ya da yardımcı quvetlerinde hızmet etmege mecbur etmege yasaq ete. İşğalci devletniñ ordusına hızmet etmege mecbur etüv cenk cinayeti sayıla ve cezasız qalmaycaq. Ukrayinağa qarşı cenkke celp etilse, "Yaşamağa isteyim" leyhası sayesinde qurtulmaq imkânından faydalanmağa ve Ukrayina Mudafaa quvetlerine teslim olmağa çağıramız", — dep Ukrayina TİNniñ beyanatında qayd etildi.

Читати ще