İşğalciler, Rusiyeniñ kontrolindeki akimiyetniñ areketlerine razı olmağan işğal etilgen Qırım sakinlerine basqı yapmağa devam ete. Devlet hainliginde qabaatlanğanlar içün cezalar, işğal etilgen Qırımğa qaytmamaları içün Rusiye vatandaşlığından marum etüv, siyasiy mabüslerni taqip etüv.
Suspilne Qırım bir afta içinde Qırımda insan aqlarınıñ bozuluvı ve Qırım sakinlerine nisbeten yapılğan areketler aqqında tarif ete.
İşğalli Qırım mahkemesi adamnı "devlet hainligi" içün 16 yılğa üküm etti
İşğalciler işğal etilgen Melitopolnıñ 36 yaşındaki sakinini "devlet hainligi" içün sert rejimli tüzetüv müstemlekesinde 16 yılğa mahküm ettiler, soñra 1 yılğa azatlıqtan marum qaldırdılar. İşğalli Qırım prokurorlığı bunı bildirdi.
"Mahkeme qayd etti ki, adam, "SVO"ğa qarşı olıp, 2022 senesinden berli Zaporijjâ vilâyetinde populâr olğan Telegram kanallarından birisiniñ idarecisi edi. Abunecilerden birisinden alınğan mesac yardımınen o, Ukrayina havfsızlıq hızmetiniñ hadimleri tarafından qullanılğan çatbotqa bergen Rusiye arbiy huzmetçileriniñ hareketleri ve bulunğan yerleri aqqında malümatnı aldı. Bu malümat doğru edi ve Rusiye Federatsiyasınıñ menfaatlarına qarşı qullanılğan oldu", — dep haberde qayd etildi.
Keriçli aqay-apay — Serğiy Kozlova ve Yevheniya Samoylova — Rostovğa etap etildi, anda olarnı "Bİİnen işbirlik içün" mahkeme etecekler
Keriçli aqay-apay — erğiy Kozlova ve Yevheniya Samoylova — ruslar tarafından "devlet hainligi" ve "Qırımda terakt azırlağanı"nda qabaatlana. Olarnı 2024 senesi çiçek ayında tuttılar, bir yıldan ziyade Qırım sakinleriniñ bulunğan yeri aqqında bir şey haber etilmedi. Rusiye olarnı Rostov-na-Donu SİZOsına etap etildi. Dava Cenübiy bölgeniñ arbiy mahkemesinde baqıla. Apis müddetleri 2026 senesi qara qış ayınıñ 3-ne qadar uzatıldı.
Siyasiy mabüs Üzeir Abdullayevni ŞİZOğa yolladılar
Salavatnıñ (Başqırtistan Cumhuriyeti) 16-ncı tüzetüv müstemlekesinde tutulğan siyasiy mabüs Üzeir Abdullayev ceza izolâtorına (ŞİZO) yollanıldı.
Oğlunı körmege planlaştırğan anası Dilâra Abdullayeva öz içtimaiy ağlarında bunı bildirdi. Adamğa 15 kün berildi.
Qadın, Üzeirniñ ŞİZOğa yerleştirilmesini kiçik oğlu Teymur Abdullayevge yapılğan basqı şikâyetlerinen bağlağanını tüşüne. Onı da Salavatta tutalar, amma TM-2 adlı diger müstemlekede.
Siyasiy mabüs Bilâl Adilov 10 aydır kamera türlü odada tutula
14 yılğa mahküm etilgen qırımtatar siyasiy mabüsi Bilâl Adilov endi 10 aydır Ruslar tarafından 1-nci Qızıl (Tiva Cumhuriyeti) tüzetüv müstemlekesiniñ kamera türlü odada (KTO) tutula.
Rusiye Federatsiyasınıñ qanunlarına binaen, adamlarnıñ böyle rejimli binalarda 6 aydan ziyade devamlı bulunması yasaq etile. Onıñ apayı Gülnara Adilova "Qırım birdemligi"ne bunı bildirdi.
Окупанти позбавили російського громадянства Екрема Мамедова: він не зможе повернутися в Крим
Окупаційне міністерство внутрішніх справ Криму позбавило російського громадянства кримського татарина Екрема Мамедова — його окупанти незаконно засудили до 8 років і 6 місяців позбавлення волі, з відбуванням перших двох років у в’язниці. Кримчанина звинуватили у "фінансуванні тероризму".
Про те, що після відбуття незаконного терміну, не маючи паспорт РФ, Екрем Мамедов не зможе повернутись додому, в окупований Крим, повідомила менеджерка Кримськотатарського ресурсного центру Зарема Барієва у Facebook
Siyasiy mabüs Amethan Abdulvapovnı qanunsız alda Angarsk müstelekesiniñ ŞİZOsında tutalar
10,5 yılğa qanunsız şekilde mahküm etilgen Amethan Abdulvapov Angarsktaki (İrkutsk vilâyeti) 2-nci sert rejimli müstemlekesiniñ ŞİZOsında tutula.
Siyasiy mabüsniñ babası Necip Abdulvapov "Qırım birdemligi"ne bu aqqında tarif etti.
"Necip Abdulvapov Tahqiqat eyyetine İrkutsk vilâyetiniñ Angarsk şeerindeki 2-nci sert rejimli müstemlekeni teşkermege talap etken ariza berdi", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
