İşğalciler işğal etilgen Melitopolnıñ 36 yaşındaki sakinini "devlet hainligi" içün mahkeme ettiler. O, qanunsız sürette sert rejimli müstemlekede 16 yılğa apis cezasına mahküm etildi ve 1 yılğa azatlığı sıñırlandı.
İşğalli Qırım prokurorlığı Telegramda bu aqqında haber etti.
"Mahkeme qayd etti ki, adam, "SVOMahsus cenk ameliyati — Rusiye yolbaşçılığı tarafından kirsetilgen ve Rusiyege qoltutqan menbalar tarafından 2022 senesinden başlap Rusiyeniñ Ukrayinağa qarşı istilâsını tasvir etmek içün qullanılğan teşviqat efemizmidir."ğa qarşı olıp, 2022 senesinden berli Zaporijjâ vilâyetinde populâr olğan Telegram kanallarından birisiniñ idarecisi edi. Abunecilerden birisinden alınğan mesac yardımınen o, Ukrayina havfsızlıq hızmetiniñ hadimleri tarafından qullanılğan çatbotqa bergen Rusiye arbiy huzmetçileriniñ hareketleri ve bulunğan yerleri aqqında malümatnı aldı. Bu malümat doğru edi ve Rusiye Federatsiyasınıñ menfaatlarına qarşı qullanılğan oldu", — dep haberde qayd etildi.
İşğalli Qırım prokurorlığınıñ malümatına köre, mahkeme etilgen adam RF Silâlı quvetleriniñ arbiy hızmetçileri, saylav eyyetleriniñ azaları ve akimiyet organlarınıñ vekillerini "öldürmege çağırğan" yayınlarnı yerleştirgen edi.
İşğalli mahkeme onı sert rejimli tüzetüv müstemlekesinda 16 yılğa üküm etti. Bundan da ğayrı, o, 1 yıl devamında İnternette saytlarnıñ idare etüvinen bağlı faaliyetnen oğraşmaq aqqından marum etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
