Maksım "Babay" Babarıkin 2023 senesi oraq ayında Donetsk vilâyetiniñ Bahmut civarındaki ücümde qardaşlarını qorçalap, canını feda etti. Asker Qırımda doğdı, Luğansk vilâyetinde büyüdi. O, 2014 senesinden berli Ukrainanı qorçalamağa istegen edi, amma o vaqıt ekinci balası doğdı. 2022 senesi adam cebege ketti, "Azov" mahsus vazife quvetleriniñ polkına kirdi ve Ukraina Silâlı quvetleriniñ Topraq ordularınıñ 3-nci ayrı ücüm brigadasında atıcı-sanitar olaraq hızmet etti.
Cenk qardaşları şunı hatırladılar: küreşte "Babay" daima birinci ola edi, oña işanmaq mümkün edi. Öz saylavında şübelenmegen ve Ukraina azatlığı içün canını feda etken Qırım sakininiñ ikâyesini elâk olğan askerniñ qız qardaşı Oksana Pavlenko ve onıñ qardaşları Tim ve Refiçten Suspilne Qırım ögrendi.
"Meniñ eñ birinci ve eñ büyük sualim: Anama ne aytacağım? Bir sebepten o menim olacağımda şübe yoq edi", — dep Babarıkina ağasınıñ ölümi aqqında ögrengen soñ fikirlerini hatırladı.
O, Qırımnıñ (evelki Krasnoperekopske) Perekopsk rayonınıñ Mırza Qoyaş (evelki Qırmızı Ordu) köyünde doğdı. Bir qaç yıldan soñ qorantası Luğansk vilâyetine köçti, anda Maksımnıñ kiçik qardaşı ve qız qardaşı doğdı. O, Oksandan doquz yaş büyüktir. Onıñ aytqanına köre, o oña baba kibi edi.
"Ana-babam pek erte öldi, men pek küçük olğanda, olar boşandılar, ve Maksım er vaqıt menim babam edi. O, çalışmağa pek seve edi — ve özü çalışqan edi, ve er yerde er kes çalışqanını seve edi. Amma yahşı ve er vaqıt yardım etmege kele edi", —dep Pavlenko tarif ete.
Adan 18 yaşında askerlikke ketti. O qaytqan soñ, Oksana onıñ aytqanlarını hatırlay:
"Ukrainada cenk başlansa, cenkke baracağım, dep qız arqadaşına aytqan edi".
2014 senesi cenk başlağanda Maksim ATOUkrainanıñ şarqında terrorizmge qarşı ameliyat zonasında hızmet etmege istegen edi, amma o vaqıt onıñ ekinci balası doğdı.
"O çantalarını topladı, bir tanışına telefon etti, bütün silânı, urbalarnı, er şeyni topladı. Ve o, birinci apayı Marınağa ATOğa ketkenini ayttı. O vaqıt onıñ ekinci qızı doğdı. O, tiz çökip, dedi ki: "Men seni yibermeyegim", — dep Oksana qayd etti.
Amma tolu miqyaslı istilâ başlağanda, adam, tüşünmeyip, arbiy bölükke ketti. Birinciden, Kıyivni qorçalağan topra mudafaasına kirdi. 2022 senesiniñ yazında "Azov" arbiy taqımınıñ polkına kirdi.
"O, "Azov"da, üçünci ücüm brigadasına kirmege pek istey edi, ve buña pek çoq vaqıt sarf etti. O, çoq vaqıt devamında ögrendi, çoq vaqıt anda barmaq içün bekledi — bir yerlerge, birinci cebege. O, bunı istegen edi. Onıñ ile mektüplerimiz bar, anda o şunı yazdı: "Men küçük qorantamızğa ketem", — dep Babarıkina tarif ete.
"Babay" ile hızmetiniñ hatırlavlarını onıñ qardaşları da paylaşalar.
"O, er vaqıt birinci ola edi. Er bir vazifede, er bir çıqışta bar edi, onda "men anda barmaycağım", "men anda şübelenem", "bu menim içün degil" kibi sözler bile yoq edi", — dep arbiy "Refiç" askeri qayd etti.
Aynı zamanda "Tim" askeri, Maksim ile iç bir vaqıt qorqmağanını qayd ete.
"Seniñ arqañnıñ açıq qalacağından, ya da bu adam seni bir şekilde qabaatlay bileceginden qorqmadıñ", — dep asker qoştı.
2023 senesi oraq ayınıñ 6-nda brigada Donetsk vilâyetiniñ Bahmut rayonınıñ Klişçiyivka civarında qarşı ücümge başladı. Bu Babarıkinniñ soñki ücümi edi. Eki arbiy de dedi ki, Maksım qardaşlarını qorçalap elâk oldı.
"Beşimiz onıñ ayatınıñ nasıl bitkenini közettik. O, er vaqıt ayat qurtarğan edi, ve mında biz onıñ ayatınıñ bir saniyede bitkenini seyir etemiz. Ve o vaqıtları bizler küçsüz olğanımıznı añladıq", — dep "Refiç" hatırladı.
"Bu, sadece bir deli qurşun ya da bir qaç yaramaz silâ parçası degil edi. Adam qolunda silâ tutıp ve duşmanğa cesürliknen baqıp, özünen, öz bedeninen taqımnı gizledi", — dep "Tim" qayd etti.
Maksım Babarıkin Lisove mezarlığınıñ Ğeroyiv Aleyada defn etildi. O, daima 42 yaşında olacaqtır.
Telegram, WhatsApp ve Facebookta Suspilne Qırım haberlerine abune oluñız
