Qırım sakinleriniñ Rusiye ordusına qanunsız şekilde mobilizatsiyasına qarşılıq aktsiyası işğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) "Sarı şerit" faalcileri tarafından keçirildi. Şeerde işğalcilerniñ ordusına kirmemek çağıruvınen levhalar peyda oldı.
"Sarı şerit" areketi Telegramda bunı bildirdi.
"Sarı şerit" areketiniñ faalcileri ukrain timsallerini tek şeerlerde tarqatmaylar, yerli sakinler içün faydalı malümatnı da asıp qoyalar — nasıl mobilizatsiyadan qaçınmaq, duşman tarafında cenkleşmemek içün. Bu kibi levhalar ve narazılıq numayışları Mırna, Cami-Elü soqaqları ve Zavod keçişlerinde peyda oldı. Er kün olarnıñ sayısı arta, çünki Qırım — Ukrainadır", — dep aytıla haberde.
Hatırlatamız ki, "Qırım.Aqiqat" muarririyetiniñ "Gruz 200" bazasınıñ malümatına köre, saban ayınıñ başında Rusiye tarafında cenkleşken 1203 elâk olğan Qırım sakininiñ cesedi identifikatsiya etildi. Qara qış ayına ise cedvelde 97 insan bar.
"Tribunal. Qırım epizodı" leyhasınıñ malümatına köre, kiçik ayda işğalli menbalardan Rusiye ordusında cenkleşken Qırım sakinleri aqqında 50 mersiye derc etildi.
Telegram, WhatsApp ve Facebookta Suspilne Qırım haberlerine abune oluñız
