Saban ayınıñ 3-ne qadar Rusiye tarafında Ukrainağa qarşı cenkte elâk olğan 1203 Qırım sakininiñ cesedi qayd etildi. Qara qış ayında ise cedvelde 97 insan bar.
Bunı "Qırım.Aqiqat" muarririyetiniñ "Gruz 200" malümat bazasından malümat köstere.
"Gruz 200" malümat bazasında doğğan yeri, Rusiye ordusına çağırılğan ya da askerlikke alınğan yeri (şu cümleden, kerçek arbiy bölügi), ve elâk olğanlarnıñ bir qısmı içün tam ya da tahminiy ölüm yeri ve tarihı aqqında malümat bar", — dep leyhanıñ saytında bildirildi.
Müellifler şunı da qayd eteler ki, işğalli akimiyet elâk olğanlarnıñ sayısını gizlegeni sebebinden, bu raqamlar yañlış ola bilir. Malümat açıq menbalardan alındı. Muarririyet 2024 senesi ilk qış ayınıñ 19-nda cedvelni yayınladı, o vaqıt cedvelde 1000-den çoq adam bar edi.
"Tribunal. Qırım epizodı"nıñ malümatına köre, kiçik ayda işğalli menbalardan Rusiye ordusında cenkleşken Qırım sakinleri aqqında 50 mersiye derc etildi.
"Adetince, olarnıñ aman-aman üçte biri (14) Sevastopol (Aqyar — terciman) sakinlerine ait. İşğal etilgen Qırım sakinleri cenkte eñ çoq qullanılğan yönelişler arasında — kiçik ayda Kursk vilâyetiniñ adı bayağı eksildi — tek 5 adise. Donetsk vilâyeti, evelki kibi, eñ yüksek yerde qala (17 mersiye). Talilciler Luğansk vilâyetinde Qırım askerleriniñ yoq etilüvi aqqında haberlerniñ artqanını qayd etti — 4 mersiye", — dep aytıla haberde.
Soñki 8 ay içinde "Tribunal" Rusiye tarafında cenkleşken Qırım sakinleriniñ elâk oluvı aqqında eñ az 353 haberni qayd etti.
Resursnıñ talilcileri hatırlattılar ki, Jeneva şartnamesiniñ 51-inci maddesi işğal etilgen topraqlarnıñ sakinlerini arbiy bölüklerge kirsetmege yasaq ete.
Telegram, WhatsApp ve Facebookta Suspilne Qırım haberlerine abune oluñız
