Ukraina nazirler kabineti, 30 yıldan ziyade işğal etilgen Qırımda “Fiolent” zavodınıñ başı olğan Qırım MC Yuqarı Şurasınıñ sabıq deputatı Oleksandr Batalinniñ parlament mukâfatını lâğu etken.
Bu aqta 2024 senesi ilk qış aynıñ 5-den Nazirler kabinetiniñ 1387-ci qararında söz kete.
Vesiqağa köre, parlament, “Ukraina nazirler kabinetiniñ itibarlı yarlığınen mukâfatlandıruvı aqqında” 2001 senesi orman aynnı 28-den qararına deñişüvlerni kirsetken.
Onıñ vastası ile nazirler kabineti, Batalinge (o vakıt Qırımdaki sanayığa ait olğanlar, iş adamlar ve agrarcılar ortaqlığınıñ prezidentine) uyğun yarlığınıñ berilmesine dair mevamını lâğu etken.
Hatırlatayıq ki, boş aynıñ soñunda Ukraina prezidenti Vladimir Zelenskiy, 30 yıl devamında işğal etilgen Qırımda “Fiolent” zavodınıñ başı olğan Oleksandr Batalinni “Ukraina qaramanı” devlet mukâfatlardan marum etken.
Daa bu yıl Qırım Muhtar Cumhuriyetteki prokuraturasınıñ malümatına köre, ukrain makemesi, Batalinge devlet hainligi içün 14 yılğa azatlıqtan marum etüvi olğan ğıyabiy ükümini alıp çıqarğan.
Telegram, WhatsApp ve Facebookta Suspilne Qırım haberlerine abune oluñız