2022 senesi berim ayınıñ 22-sinde göñülliler, Ukraina Mudafaa nazirliginiñ Baş istihbarat idaresine ICEYE yoldaşını berdiler. "Milliy yoldaş" adını alğan tamam bu cihaz, Ukraina Mudafaa quvetleriniñ berim ayınıñ 13-ündeki işğal etilgen Qırımdaki Aqyar körfezine ücümini yapmağa yardımcı oldı.
UMNniñ Baş istihbarat idaresiniñ matbuat hızmeti bu aqqında haber berdi.
"Bu sene devamında "milliy yoldaş", serbestlik içün küreşimide çoq faydalı oldı ― onıñ imkânları, er kün bizim kritik müim olğan arbiy operatsiyalar istihbarat bilgilerini almamız ve tonnalarca duşman öldürici tehnikasını yoq etmemiz içün yardım eteler! Misal olaraq, 2023 senesi berim ayınıñ 13-ündeki Aqyar körfezine ücümde ICEYE pek müim bir rol oynadı. O kün rus desant gemisi "Minsk" ve suv astındaki gemisi "Rostov-na-Donu" yoq etildi", – dep istihbarat idaresi bildirdi.
Aqyar deñiz zavodına ücüm aqqında ne bilemiz
- Berim ayınıñ 13-üniñ sabası Aqyardaki Rusiye Qaradeñiz flotunıñ arbiy-deñiz bazasınıñ terkibindeki Aqyar deñiz zavodına çoq ukrain raketası urdı.
- "Minsk" desant gemisi ve "Rostov-na-Donu" adlı suv astındaki gemi bozuldı.
- Ukraina mahsus operatsiyalar quvetleri bildirdiler ki, ukrain askerleri tanımınıñ ruslarnıñ arqa cebesine kirmeleri ve ateşlerni idare etmeleri yardımınen Aqyardaki gemilerin tamir etüv zavodına raketa ücümi oldı. MOQ, maqbul operatsiyanı nasıl keçirgenlerini añlattılar.
- Ukraina Prezidentiniñ Qırım MCdeki daimi vekilinin muavini Denıs Çıstikov añlattı ki, patlamalar soñ işğal quvetçileri, ayrıca zavod işçileriniñ evlerini tinterler ve insanların tutarlar.
- Büyük Britaniya Mudafaa nazirligi, britaniya istihbaratınıñ bilgilerine atıf eterek, haber berdi ki, Aqyarda bozulan RFnıñ suv astındaki gemisiniñ tamir etilmesi, çoq vaqıt sürecek ve yüzlerce millin dollar ödemek kerekecek.
Telegram, Viber ve Facebookta Suspilne Qırım haberlerine abune oluñız
