Rusiye mahkemesi eñ qart Qırım siyasiy mabüsi Volodımır Ananyevni işğalli Qırım yolbaşçısı Sergey Aksönovnı öldürmege ıntılğanı içün 18 yılğa üküm etti. 2,9 yıllıq apis müddetinden soñ sağlığı fenalaşa. Uquq qorçalayıcılar deyler ki, yaşı ve hronik hastalığı sebebinden böyle bir ceza oña ölüm cezası ola bile. İmayeci taraf şikâyet arizasını azırlay.
Onıñ apayı Anna Svâtnenkonıñ Suspilne Qırım içün bildirgenine köre, aqayı adliyecige sağlığı aqqında muntazam surette şikâyet ete, yürek, büyrek ve diger hastalıqları bar, apis şaraitleri ise onıñ vaziyetini daa beter ete.
«Men er vaqıt bir sıra farqlı ilâclarnı berem, eñ sade ilâclardan başlap, qıyın ilâclarğa qadar — yürek, büyrek hastalıqları içün ilâclarğa qadar. Ve onıñ bir qaç meselesi bar, bir qaç hastalığı bar. Onıñ aytqanına köre, kamerada dört adam bar, olar tütün içe, ve, elbette, bu gaz kamerası kibi», — dep tarif etti o.
Svâtnenko, aqayınıñ 18 yıllıq apis cezasını «insanğa yapılğan zorbalıq» olaraq tanıdı.
«Terroristik devlet olaraq tanığan devletke nisbeten adalet ne yapacaq?», — dep qoştı o.
Siyasiy mabüsniñ apayınıñ sözlerine kore, imayeci mahkeme qararını şikâyet etecek — artıq apellâtsiya arizasını azırlay. Svâtnenko Ananyev ve diger mabüslernen bağlı davanı da «sahte» olaraq tanıdı.
Qırım uquq qorçalayıcı gruppasınıñ reisi Olğa Skrıpnık Suspilne Qırımğa tefsirinde, uquq qorçalayıcılar halqara teşkilâtlar ve ükümetlerge bir qaç kere muracaat etip, Ananyev ve Kremlniñ diger vatandaş reineleriniñ azat etilmesine yardım etmege rica etkenlerini bildirdi.
«Evelden de muracaat etken edik, şu cümleden OSCEAvropada havfsızlıq ve işbirlik teşkilâtı, BMTBirleşken Milletler Teşkilâtı müessiselerine de. Bundan da ğayrı, bizler farqlı ükümetlerge muracaat ettik, şu cümleden Amerika Qoşma Ştatları memuriyetine muracaat etip, vatandaş reinelerini qaytarmağa yardım etmege rica ettik», — dep qayd etti o.
Uquq qorçalayıcı qayd etti ki, Ananyev Qırım siyasiy mabüsleri arasında eñ qarttır, yaşı ve hastalığı sebebinden mahsus telükede buluna.
«Volodımır Ananyev Qırım siyasiy mabüsleriniñ eñ qartıdır. Onıñ bir qaç sağlıq meselesi bar. Onıñ yaşına ve sağlığına baqsaq, bu oña bir ölüm qararı kibi körüne. Aslında bu ölümdir... Bu üküm — ortodoks ve insaniyetniñ bu memlekette iç bir şeyi qalmağanınıñ daa bir delili. İç bir şey muqaddes degil», — dep qayd etti Skrıpnık.
2026 senesi orta küz ayına qadar Qırım siyasiy mabüsleriniñ taqip etilüviniñ 64 adisesi qayd etildi — 49 erkek ve 15 qadın. Qırımtatar Resurs Merkeziniñ esabatında aytılğanı kibi, eñ qartları — Volodımır Ananyev ve Ğalına Dovğopola.
Sergey Aksönovnı "öldürmege tırışuv" davası aqqında ne bilemiz
2025 senesi kiçik ayda Rusiye işğalcileri Sergey Aksönovğa qarşı suiqast azırlağanında qabaatlanğan Volodımır Ananyev, Volodımır Bodnar ve Oksana Şevçenkonı mahkemege berdi. İşğalli Qırım prokurorlığı dedi ki, ukrainler öz başına yapılğan patlayıcı alet yardımınen duşmannen işdeşlik yapqan Qırım sakininiñ maşinasını patlatmağa planlaştıra ediler.
Rusiye quvetçileriniñ malümatına köre, Bodnar Zaporijjâ vilâyetinden Qırımğa, Şevçenko kiralağan Simferopoldaki (Aqmescitteki) garaj qutusında saqlanğan patlayıcı aletni ketirdi. Qayd etilgenine köre, Aksönovnıñ marşrutını video nezareti kamerası vastasınen közetkenler.
2024 senesi kiçik ayda üçü de işğal etilgen Qırımda Rusiye FSBsiniñ hadimleri tarafından tutuldı. Olarğa qarşı "terroristik areketlerniñ azırlanuvı" ve "patlayıcı aletlerniñ qanunsız saqlanuvı" boyunca cinaiy davalar açıldı. Daa evel, saban ayınıñ 31-nde, Volodımır Bodnar da bu işte qabaatını tanıdı. Saban ayınıñ 3-nde mahkeme 75 yaşındaki Volodımır Ananyevniñ davasını baqtı.
Suspilne Qırım Volodımır Ananiyevniñ apayı, uquq qorçalayıcılar ve tanışlarınen subetleşip, Qırımnıñ eñ qart siyasiy mabüsiniñ "davası" aqqında tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
