Prokuror eñ qart Qırım siyasiy mabüsi, 77 yaşındaki Volodımır Ananyevge 22 yıllıq sert rejim cezasını talap ete, olardan 5 yılı — apishanede ve 650 biñ rublelik (≈330 biñ ğrıvnâ — muar.) para cezasını. İşğalciler onı yarımadanıñ Rusiyege qoltutqan «başı» Sergey Aksönovğa «öldürmege» azırlağanında qabaatladılar.
TASS Rusiye devlet agentligi, Rusiye Federatsiyası Cenübiy bölge arbiy mahkemesiniñ vekiline atfı etip, bunı bildirdi.
«Devlet qabaatlayıcı organı 22 yıllıq sert rejimni istedi, birinci beş yılını apishanede ve 650 biñ ruble para cezasını talap etti», — dedi TASS agentligine subetdeş.
Bundan da ğayrı, uydurılğan davağa Rusiye tarafından 13 ve 10 yıl apis cezasına mahküm etilgen Volodımır Bodnar ve Oksana Şevçenko da qoşuldı.
İşğalli tahqiqatnıñ versiyasına köre, 2022 senesi kiçik ayda, cinaiy davası ayrı bir işke ayırılğan, Ukrayina vatandaşı Qırımda terakt yapmaq içün teşkil etilgen gruppanı teşkil etti.
«Gruppağa Bodnar ve Oksana Şevçenko kirdiler. Olar Aksönovnıñ hızmet maşinasınıñ marşrutlarını ve areketlerini nezaret etip, oña ücüm etmege azırlanmaq kerek ediler. Daa soñra gruppağa Volodımır Ananyevni de kirsettiler. Zaporijjâ vilâyetinden Bodnar, Qırım yolbaşçısınıñ hızmet maşinasını patlatmaq içün qullanılacaq olğan, öz başına yapılğan radio idare etilgen patlav cihazını, bericini ve alıcını ketirdi. Qabaatlanğanlar patlav maddesini Şevçenkonıñ kiralağanı Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki — terciman) garaj qutusında saqlay ediler. Aksönovnıñ areketini kirağa alınğan mesken olmağan yerde yerleştirilgen kamera vastasınen közetkenler«, — dep yazdı TASS.
2024 senesi kiçik aynıñ 2-nde işğal etilgen Simferopolda (Aqmescitte) «quvetçiler» Kıyiv sakini Volodımır Ananyevni yaqaladılar. İşğalciler, bir-birine tanış olmağan üç insannı bir gruppağa toplap, olarnı «UHHUkrayina Havfsızlıq hızmeti içün araba patlavını azırlağanı«nda qabaatladılar. Suspilne Qırım Volodımır Ananyevniñ apayı, uquq qorçalayıcılar ve tanışlarınen subetleşip, eñ qart Qırım siyasiy mabüsiniñ "davası" aqqında tarif etti.
«Şaatlıqlardan bilgenimizge köre, VolodımırAnanyev Bodnar ve Şevçenkonı tam olaraq tanımadı. Şevçenko ve Bodnarğa kelgende, bazı FSB neşirlerinde olarnı aqay-apay olaraq köstereler, amma Ananyevnen bağnı FSB özü de tapıp olamadı. Olar çeşit bölgelerden keleler — Bodnar ve Şevçenko yañı işğal etilgen Ukrayina bölgelerinden, ve Volodımır 2022 senesinden soñ anda olmağanı añlaşılır. Bundan da ğayrı, Volodımır qart bir insandır, ve o, gizli bağ tutmaq ya da terroristik areketlerni planlaştırmaq içün çoqusı messencerni qullanmay edi. Olarnıñ tanış ola bileceklerine dair iç bir delil yoq. Bilgenimizge köre, Ananyev, Bodnar ve Şevçenko farqlı vaqıtlarda tutuldı», — dep tarif etti uquq qorçalayıcı Olğa Skrıpnık.
Uquq qorçalayıcı dey ki, onıñ malümatına köre, Volodımır Ananyev tutulğan soñ ruhiy basqığa oğradı, onı qorqutmağa tırıştılar. Tibbiy yardım kösterilmegeni içün onıñ alı fenalaştı.
Sergey Aksönovnı "öldürmege tırışuv" davası aqqında ne bilemiz
2025 senesi kiçik ayda Rusiye işğalcileri Sergey Aksönovğa qarşı suiqast azırlağanında qabaatlanğan Volodımır Ananyev, Volodımır Bodnar ve Oksana Şevçenkonı mahkemege berdi. İşğalli Qırım prokurorlığı dedi ki, ukrainler öz başına yapılğan patlayıcı alet yardımınen duşmannen işdeşlik yapqan Qırım sakininiñ maşinasını patlatmağa planlaştıra ediler.
Rusiye quvetçileriniñ malümatına köre, Bodnar Zaporijjâ vilâyetinden Qırımğa, Şevçenko kiralağan Simferopoldaki (Aqmescitteki) garaj qutusında saqlanğan patlayıcı aletni ketirdi. Qayd etilgenine köre, Aksönovnıñ marşrutını video nezareti kamerası vastasınen közetkenler.
2024 senesi kiçik ayda üçü de işğal etilgen Qırımda Rusiye FSBsiniñ hadimleri tarafından tutuldı. Olarğa qarşı "terroristik areketlerniñ azırlanuvı" ve "patlayıcı aletlerniñ qanunsız saqlanuvı" boyunca cinaiy davalar açıldı. Daa evel, saban ayınıñ 31-nde, Volodımır Bodnar da bu işte qabaatını tanıdı. Saban ayınıñ 3-nde mahkeme 75 yaşındaki Volodımır Ananyevniñ davasını baqtı.
Suspilne Qırım Volodımır Ananiyevniñ apayı, uquq qorçalayıcılar ve tanışlarınen subetleşip, Qırımnıñ eñ qart siyasiy mabüsiniñ "davası" aqqında tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
