2026 senesi orta küz ayından itibaren qart Qırım siyasiy mabüsleriniñ taqip etilüviniñ 64 adisesi qayd etildi — 49 erkek ve 15 qadın. Olarnıñ eñ qartları — Volodımır Ananyev ve Ğalına Dovğopola.
Orta küz ayınıñ 8-nde Qırımtatar Maaliy Merkezi taqdim etken (QRM) «Repressiya altında çal saç: Rusiye işğal etilgen Qırımda qartlarnı ne içün taqip eteler?» adlı maruzasında aytıla.
Onıñ malümatına köre, 60 yaşından büyük olğan bu siyasiy mabüslerden 44-ü işğalcilerden qanunsız ceza aldı, daa 20 adam tahqiqat izolâtorında tutula.
Qart Qırım sakinleri «devlet hainligi», «casuslıq», «diversiya azırlavı», «Hizb ut-Tahrir» islâm siyasiy firqası, Rusiyede yasaq etilgen «Yehova şaatları» diniy teşkilâtınıñ faaliyetinde iştirak etüv, em de Ukrayina Silâlı quvetlerini maliye etüv ya da Noman Çelebicihan adına batalyon ile alâqası olğanında qabaatlanıp taqip etile.
Qırım siyasiy mabüsleri arasında eñ qart 77 yaşındaki Volodımır Ananyev ola. Rusiye prokurorlığı oña 22 yıl apis cezasını talap ete. 71 yaşındaki Ğalına Dovğopola — eñ qart qadın Qırım mabüsidir.
Maruzada qayd etilgenine köre, eñ az üç siyasiy mabüsniñ saqatlığı bar, bu da olarnıñ apishanede bulunğanlarında sağlıqları içün telükeli ola.
Ekinci derece saqatlığı olğan ve Rusiye apishanesinde ölgen Cemil Ğafarov ayrı-ayrı añıla. QRMniñ malümatına köre, eñ az üç Qırım siyasiy mabüsi Rusiye müstemlekeri ve SİZOlarında elâk oldı: Kostântın Şırinğ, Cemil Ğafarov ve Rustem Virati.
Uquq qorçalayıcılar, 62 yaşındaki Yunus Maşaripovnıñ mecburiy psihiatrik tedaviylevi ve qırımtatar halqınıñ yetekçisi Mustafa Cemilev, Meclis reisi Refat Çubarov, Meclis ve Ukrayin PEN Ukrayin yazıcıları, jurnalistleri, neşircileri, tercimanları ve alimlerini birleştirgen medeniy ve uquq qorçalayıcı cemaat teşkilâtıdır.azası Gülnara Bekirovanıñ taqip etilüvine diqqat ayıra.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
