Ukrayin uquq qorçalayıcıları Ukrayinanıñ topraq bütünligi ve toqunmazlığına qastUkrayina Cinaiy Qanunnamesiniñ 110-ncı maddesiniñ 2-nci qısmı ekeni içün «Millet» Rusiye tarafdarı telekanalınıñ alıp barıcısı ve teşviqat jurnalistine qarşı qabaatlav aktını mahkemege berdiler. O, işğal etilgen Qırımnıñ haber alanında Kremlniñ ikâyelerini muntazam sürette tarqatqan edi.
Ukrayina havfsızlıq hızmetiniñ Qırım Muhtar Cumhuriyetindeki Baş idaresiniñ matbuat hızmeti Facebookta bunı bildirdi.
Tahqiqatnıñ malümatına köre, 2016 senesi adam «Haberler» haber programmasınıñ alıp barıcısı oldı. Canlı yayınlarda o, Vladimir Putinge qol tuttı ve Rusiye Federatsiyasınıñ Ukrayinağa qarşı tecavuzına qol tuttı.
Hızmet qabaatlanğannıñ adını aytmadı, lâkin Suspilne Qırımnıñ haber etken menbası bildirdi ki, söz Asan Abibullayev aqqında kete.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı, «Haberler» programmasında teşviqatçı ukrayin mahsus bölükleriniñ «diversiya ameliyatları», Ukrayina tarafından «Qırım musulmanlarına basqı» ve «terrorizm ile küreş» aqqında tarif etkenini qayd etti. Onıñ çıqışları «Millet» telekanalınıñ saifesinde Rusiyeniñ «Rutube» videohostinginde faal sürette yayınlandı.
Abibullayev 10 yılğa qadar azatlıqtan marum etüv cezası ve mal-mülküniñ musadere etilmesine üküm etile bilir.
Hatırlatamız ki, Ukrayinada 2024 senesi başı olğan işğalli «Yalta şeer şurası»nıñ reisi Kostântın Şımanovskıynı mahkeme etecekler, dep bildirdi Qırım Muhtar Cumhuriyeti ve Sevastopol (Aqyar) şeeri prokurorlığı.
Daa evel UHHUkrayina Havfsızlıq hızmeti teşviqatçı Kostântın Kevorkânğa ğıyabiy şekilde şübe bildirdi. İşğal etilgen Qırımda o, «Ukrayina.ru» teşviqat neşiriniñ Telegram kanallarınıñ muarririyetlerini idare ete, mında muntazam sürette Ukrayinadaki içki vaziyet aqqında yalanlar tarqata. Adamnı Rusiye istilâsına qol tutqanı içün duşmannen işbirlik faaliyeti ve sahte malümat tarqatmaqta qabaatlaylar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
