Ukrayinada işğalli «Yalta şeer şurası»nıñ reisi duşmannen işbirlikUkrayina CQniñ 111-1-nci maddesiniñ 5-nci qısmı faaliyeti içün mahkeme etilecek. Açıq menbalardan alınğan malümatqa köre, laf Kostântın Şımanovskıy aqqında kete.
İlk küz ayınıñ 17-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı qabaatlav aktınıñ mahkemege yollanılması aqqında bildirdi.
«Qayd etilgenine köre, 2024 senesi qabaatlanğan adam, Yalta şeer şurasınıñ mebusı olaraq, işğalli organnıñ "başı" vazifesine namzetini taqdim etti. Bundan soñ, nevbetteki toplaşuvda, mebuslar onıñ tayin etilmesi içün rey berdiler. Akimiyet vekâletlerini yerine ketirgen şahıs Yalta şeer şurasınıñ işini teşkil ete edi: toplaşuvlarda yolbaşçılıq ete edi, qanunsız qararlarnı imzalay edi, şeer şurasınıñ faaliyetini teşkil etüv meseleleri boyunca qararlar ve emirler çıqara edi. Aslında, o, öz faaliyeti ile Rusiye işğalli akimiyetiniñ siyasetini amelge keçirmege yardım etti ve vaqtınca işğal etilgen Qırım toprağında onıñ faaliyetini temin etti», — dep qayd etildi haberde.
Böyle areketler içün qabaatlanğan adam 10 yılğa qadar apis cezasını ala bilir.
Kostântın Valentınovıç Şımanovskıy — Yaltalı, 1977 senesi doğdı. 1994 senesinden başlap çeşit ticariy ve devlet müessiselerinde çalıştı. Qırım Rusiye tarafından işğal etilgen soñ — Yalta memuriyetiniñ işğalşi Masandra topraq organınıñ yolbaşçısı oldı. 2017 senesinden 2019 senesine qadar Yalta şeer yolbaşçısınıñ muavini edi. Daa soñra Yalta «mebusı» ve «şeer başı» oldı.
2021 senesi işğalcilerden mukâfat aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
