Ukrayina havfıslzıq hızmeti, işğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad te) "Ukrayina.ru" neşiriniñ Telegram kanallarınıñ muarririyetiniñ yolbaşçısı Konstantin Kevorkânğa şübe ğıyabiy şekilde bildirdi.
UHHniñ Çerkası vilâyetindeki idaresiniñ spikeri Katerına Droğa bunı Suspilnege bildirdi.
"Teşviqit kütleviy haber vastalarınıñ saifelerinde Rusiye Federatsiyasınıñ silâlı tecavuzını destekley ve Ukrayinadaki içki vaziyet aqqında yalanlar tarqata ve memleketniñ imicini halqara seviyede bozmağa tırışa. Meselâ, Kevorkân, ruslarnıñ cenk cinayetlerini aqlağan, "Novorossiya: Odesadan Harkivge qadar" ve Ukrayina topraqlarınıñ işğaline qoltutqan yazılarnı faal sürette yerleştire. Teşviqtçı ukrayinlerniñ Rusiyege ketmek istegi aqqında yalanlar tarqata", — dep UHH bildirdi.
Bundan da ğayrı, UHHniñ malümatına köre, o, muntazam sürette Ukrayina imayecileri ve akimiyetni itibardan tüşürmek içün sahte malümatnı derc ete.
"Ukrayina.ru" internet neşiri işğalciler tarafından 2014 senesi sanktsiya altında bulunğan Rusiye teşviqatçisi Dmitriy Kiselövniñ reberligi altında meydanğa ketirildi.
UHH Konstantin Kevorkânnı Ukrayina Ceza qanunnamesiniñ eki maddesine istinaden qabaatladı — 111-1-nci maddesiniñ 6-ncı qısmı (duşmannen işdeşlik faaliyeti) ve 436-2-nci maddesiniñ 3-ünci qısmı (Rusiye Federatsiyasınıñ Ukrayinağa qarşı silâlı tecavuzınıñ aqlanması, qanuniy tanılması, red etilmesi, onıñ iştirakçileriniñ şereflenmesi).
O, 12 yılğa qadar apis cezasını ala bile.
Konstantin Kevorkân aqqında ne bilemiz
1966 senesi mayısnıñ 22-nde Kıyivde doğdı.
Rusiye tarafdarı teşviqatçı, "Partiya regionov" fıqrasından Harkiv şeer şurasınıñ sabıq mebusı
2014 senesi işğal etilgen Sevastopolğa (Aqyarğa) qaçtı.
2026 senesiniñ başında Yüksek qabarcılıq ile küreşken mahkeme oña qarşı sanktsiyalar qoydı. Tahqiqatnıñ malümatına köre, o, terroristik faaliyetke haber yardımını kösterdi.
Mahkeme, şahısnıñ mülkiyetinde olğan ya da qullanması mümkün olğan aktivlerni devletke qaytarıp berdi:
Harkiv vilâyetinde 83,2 kvadrat metrlik mesken ev;
Harkivde 61,5 kvadrat metrlik garaj qutusı;
627,53 dollar Ukrayina bank esaplarında;
Harkivde 95,1 kvadrat metrlik bir daire;
Qırım Muhtar Cumhuriyetiniñ Aluşta şeerinde 50,8 kvadrat metrlik bir daire;
Harkivde 72,1 kvadrat metrlik umumiy mülkiyette olğan daireniñ yarısı;
"Perşostoliçne" şirketiniñ nizamnamede qayd etilgen sermiyasında 4980 ğrıvnâ miqdarında 15% pay;
eki VAZ 2109, 1989 ve 1990 seneleri çıqarılğan arabalar;
"Birinci paytaht" ve "Birinci paytaht" ticariy markalarınıñ mülkiyet aqları.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
