Qırımdaki Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) Kiyev rayon mahkemesi Simferopol (Aqmescit) rayonınıñ 25 yaşındaki sakinini eki ayğa apiske aldı. O, Rusiye Federatsiyasınıñ Krasnodar ülkesindeki Kavkaz limanında yük paromına Qırım köpründen raketa ücümini idare etkeninde şübelene. Uquq qorçalayıcılarnıñ aytqanına köre, laf qaray siyasiy mabüsi Saha Manğubi aqqında kete.
Rusiye FSBniñ Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki işğalli idaresiniñ matbuat hızmeti bunı bildirdi, dep çeçek ayınıñ 8-nde "Krım 24" yerli neşiri haber berdi.
Rusiye uquq qorçalayıcılarınıñ malümatına köre, qız Telegramda Ukrayina Mudafaa nazirliginiñ istihbarat hadimi ile bağ qurdı. FSBde, raketa ücüminiñ koordinatsiyası içün o, ukrayin mahsus hızmetlerinden kriptovalütke para yibergenini iddia eteler.
Yerli sakinniñ tutulmasını işğalli Qırım yolbaşçısı Sergey Aksönov da tasdıqladı.
Aynı vaqıtta "Tribunal. Qırım epizodı" uquq qorçalayıcı teşebbüsi bildirdi ki, Telegram kanalında, söz birinci qaray siyasiy mabüsi Saha Manğubi aqqında kete.
Rusiye quvetçileri qıznıñ tutuluvı aqqında bildirse de, uquq qorçalayıcılar, Manğubini 2024 senesi boş ayda hırsızlağanlarını ve 15 ay devamında "kommunikado" rejiminde tutqanlarını qayd eteler.
"Bu, bütün qabaatlavlarnı ve itiraflarnı şübe astına qoya. Halqara uquq esasında insan hırsızlavı cenk cinayeti olaraq tanıla. Bu cinayetlerge alâqası olğanlar tapılacaq ve qattı ceza alacaq", — dep uquq qorçalayıcılar teşebbüsi qayd etti.
Çeçek ayınıñ 6-nda teşebbüs, qaray siyasiy mabüsi Saha Manğubi Rusiye taqiqatçıları tarafından mecburiy hastahanege yatqızılğan psihiatrik ekspertizağa yollanılğanını bildirdi.
Rusiye quvetçileri Saha Manğubini evinde tuttılar, bundan soñ bir yıldan ziyade Simferopolnıñ (Aqmescitniñ) 2-nci SİZOda qabaatlavlarsız tuttılar. Uquq qorçalayıcılarnıñ malümatına köre, polis onıñ hırsızlanuvı boyunca davanı açmağa red etti, FSB ise tutulğanını inkâr ete edi. Bu sene kiçik ayda qadınnı "devlet hainligi"nde qabaatladılar.
Daa evel uquq qorçalayıcılar ve sabıq siyasiy mabüs Leniye Umerova Suspilne Qırımğa işğalciler Qırım sakinlerini ne içün "inkommunikado" statusında tutqanlarını tarif etti — olar tutulğanlarını tanımay ve iç bir qabaatlamaylar. Bundan da ğayrı, olar ğayıp olğan Qırım sakinleriniñ tuvğanlarına ne yapmaq kerek olğanını añlattılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
