Rusiye taqiqatçıları qaray siyasiy mabüsi Saha Manğubini mecburiy hastahanege yatqızıp, psihiatrik ekspertizağa yolladılar.
"Tribunal. Qırım epizodı" uquq qorçalayıcı teşebbüsi bunı bildirdi.
Olarnıñ malümatına köre, qadın üç aftadan bir buçuq ayğa qadar psihiatrik hastahanede qalmalı.
Uquq qorçalayıcılar qayd eteler ki, Manğubi hastahanede bulunğanı sebebinden, onıñ tevqif tedbiriniñ uzatılması boyunca nevbetteki mahkeme oturışında iştirak etip olamadı. Olarnıñ qayd etkenine köre, bu Rusiye qanunlarına ve adaletli mahkeme aqqını kefil etken halqara qaidelerge zıt kele.
"Aqıl hastası olğan insanlarnen beraber kerçek sebepsiz insanlarnıñ umumiy odalarda tutulması, sert yanaşuv olaraq tasnif etile bile, ve niyetniñ delilleri olsa, işkence olaraq tanıla bilir. Bu ve diger areketler arbiy cinayetlerdir. Tahqiqatçı ve psihiatrik ekspertizanıñ iştirakçileri, Gaagağa ya da Halqara mahkemeniñ diger meydançıqlarına barmaq imkânını açalar", — dep uquq qorçalayıcılar bildirdiler.
Hatırlatamız ki, Rusiye quvetçileri Saha Manğubini evinde tuttılar, bundan soñ bir yıldan ziyade Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad niñ) 2-nci SİZOda qabaatlavlarsız tuttılar. Uquq qorçalayıcılarnıñ malümatına köre, polis onıñ hırsızlanuvı boyunca davanı açmağa red etti, FSB ise tutulğanını inkâr ete edi. Bu sene kiçik ayda qadınnı "devlet hainligi"nde qabaatladılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
