Qırımda işğalciler eki çağına yetmegen balanıñ anası olğan Saha Manğubini aman-aman bir yıl devamında qanunsız alda tutalar. O, 2024 senesi boş aynıñ 2-nde, anonim bildirüv esasında tutuldı.
ZMINA IRADE halqara uquq qorçalayıcı teşebbüsiniñ malümatına esaslanıp, bunı bildirdi.
Aile daa Qırım sakininiñ taqdiri ve bulunğan yeri aqqında resmiy malümatnı bilmey. Onıñ nenen qabaatlanğanı daa belli degil. Qorantağa, qadınğa "qanunsız areketler" aqqında üç anınim bildirüv kelgenini bildirdiler.
ZMINAnıñ yazğanına köre, ayırılğan soñ Saha evni kiralap, anda oğlu ve qızınen yaşadı.
"Men endi işke ketmek kerek edim. Men onıñ yoqluğını bekleyim. Telefon ettim, kimse cevap bermedi. Aqşam saat 5-te evniñ saibi telefon etti, qızıñıznı maskalı insanlar alıp kettiler, dep ayttı", — dep Qırımlı qadınnıñ anası tarif etti. Qomşusınıñ aytqanına köre, kimse özüni tanıtmadı ve bir şey köstermedi. "Sadece qoranı keçip, Sahağa bardılar. Beş maskalı adam saat 2-den 5-ke qadar evni tintti, soñ öz şaatlarını ketirdi, olar bir şey imzaladılar ve qadınnı alıp kettiler", — dep ZMINA yazdı.
Aile yarım yıl devamında FSBge bir çoq muracaatqa cevap almadı. "Bizde öyle qadın yoq" dediler.
"Aileler polisten ğayıp olğan qadınnıñ qıdıruvı aqqında dava açılmasını talap etken edi, amma olarnıñ arizası öyle de qabul etilmedi. Er angi sual olsa, FSBge bermege dediler. Bugün esas vazife — Sahanı uquqiy alanğa çıqarmaq, bundan soñ qoruv sızığını qurmağa mümkün olacaq", — dep ZMINA qayd etti.
Onıñnen bir kamerada bulunğan qadından soy-sopları Qırımlı qadınnıñ Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 2-nci SİZOda tutulğanını ögrendiler. Onı nenen qabaatlaylar — şimdilik belli degil.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
