İlk qış ayınıñ 30-nda aqşamdan işğal etilgen Qırımnıñ benzin stantsiyalarında tek A92, A95 ve A95 ULTRA markaları degil de, dizel yaqarlığı da yoq.
İlk qış ayınıñ 31-nde #LiberateCrimea cemaat teşebbüsiniñ faalcisi "Qırım.Aqiqat"qa anonimlik şartlarıneb bunı bildirdi.
Onıñ aytqanına köre, bu eksikliklerge şu sebeplerden oldı:
- furtuna vaqtında Keriç boğazından keçitniñ stabil olmağan işi;
- yanıcılarnı Rusiye arbiy hımetçileriniñ ihtiyaclarına birinci derecede doğrultmaq;
- Ukrayina Silâlı quvetleriniñ Herson vilâyetiniñ vaqtınca işğal etilgen qısmından yaqarlıq logistikasına tesir etmek imkânları arta.
"Şimdi Qırımda olğan yaqarlıq Rusiye arbiyleriniñ Ukraina cebindeki ihtiyaclarına yollanıla, şunıñ içün benzin noqtalarında bu yaqarlıqnıñ olmaması vaziyetiniñ devam etmesi mümkün, çünki yanvar-fevral aylarında deñiz sıq furtunalı ola ve keçit stabil degil", - dep qayd etti faal.
İlk qış ayınıñ 30-nda yerli faalci Qırımda ekinci kün ardı-sıra A92 ve A95 benzinleri yoq olğanını bildirdi. Keriç boğazında keçitniñ işi toqtatılğanı sebebinden bu qıtlıq peyda oldı.
Daa evel "Strategiya XXI" globalistika merkeziniñ havfsızlıq programmalarınıñ reberi Pavlo Lakiyçuk, Ukrayinanıñ işğal etilgen Qırımdaki neft bazalarına ücümlerinden soñ yarımadada yaqıt fiyatları artacaq ve onıñ teminlevi ve saqlanuvı ile meseleler peyda olacaq, dep bildirdi.
Hatırlatamız ki, orta küz ayınıñ 17-nden itibaren işğal etilgen Qırımda benzin stantsiyalarınıñ çoqusından tek benzin degil, dizel yaqarlığı da ğayıp oldı. Ğaliba bunıñ sebebi aynı şu künü ukayin arbiy hızmetçileriniñ Ğvardiyskedeki neft bazası ve yaqarlıq yedeklerine ücümleri oldı.
"Sarı şerit" narazılıq areketiniñ bildirgenine köre, rusiyeliler işğal etilgen Qırımğa benzinniñ bozulğan yollarını bere başladılar. Maşnalar 95 benzinnen toldurılğan soñ, motorlar sessiz qala ve birinci kere çalıştırılmay.
Orta küz ayında işğalli akimiyet rus arbiy hızmetçilerine prioritet berip, vatandaşlarğa yaqarlıq berilmesini sıñırladı. Yerli sakinler tek qıtlığından degil de, benzinniñ keyfiyetsizliginden de şikâyet ete ediler: yaqarlıqnıñ boyağa oşağan keskin qoqusı bar, benzin toldurılğan soñ maşnalar sessiz qalıp, çalışmağa zorlana.
Bu qıtlıq sebebinden benzin hırsızlavı ve musadere etilüvi bayağı arttı: benzinni park etilgen maşnalardan tökmege başladılar, aydavcılar benzin nevbetinde ya da qorquzuvlar altında benzin aluvı aqqında bildireler.
Tış istihbarat hızmeti, 2025/2026 qışında benzin qıtlığınen bağlı buhrannıñ daa da beterleşecegini tahmin ete. Bu vaziyet, ilk evelâ, Qırım ve öz neft istisalcılıq qabiliyetleri olmağan ve Rusiye Federatsiyasından ketirilgen cermayğa bağlı olğan diger işğal etilgen topraqlarğa tesir etecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
