İşğal etilgen Qırımda yaqarlıq buhranı quvetleşe. İşğalli akimiyet Rusiye arbiy hızmetçilerine berilecek yaqarlıqnı sıñırlap, vatandaşlarğa berilmesini sıñırlay. Yerli sakinler de yaqarlıq keyfiyetiniñ fenalaşqanını ve hırsızlıq adiseleri aqqında bildireler — benzinni parking etilgen maşinalardan tökmege başladılar.
"Otpor" Telegram kanalı bunı bildirdi.
"Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki — terciman) menbalarımız yarımadada yaqarlıq buhranı devam etkenini bildireler. İşğalli akimiyet, ruslar işğalli ordularğa ilk nevbette benzin ketirmek içün, vatandaşlar içün yedeklerni mahsus sıñırlay", — dep haberde bildirildi.
Kanalnıñ malümatına köre, yaqarlıqnıñ boyağa oşağan keskin qoqusı bar; benzin toldurılğan soñ maşnalar yavaşlay, "sessiz qala" ve daa zor çalıştırıla.
Bu qıtlıq sebebinden yaqarlıqnen bağlı cinayetlerniñ sayısı ep arta. Kanalnıñ bildirgenine köre, sıq-sıq benzinni soqaqlarda turğan maşinalardan tökeler. Bundan da ğayrı, aydavcılardan yaqarlıq alınğan adiseler qayd etile — meselâ, benzin noqtalarında nevbetlerde ya da qorquzuvlar altında.
"Bizim tahminlerimizge köre, vaziyet daa beter olacaq. Yarımadanıñ bütün sakinlerini tam bir kolapsqa azırlanmağa çağıralar", — dep beyanatta qayd etildi.
Hatırlatamız ki, işğalli Qırım yolbaşçısı Sergey Aksönov bildirdi ki, orta küz ayınıñ 11-nden başlap arman ayınıñ soñundan berli yaqarlıq qıtlığı olğan yarımadada qoşma olaraq 18 benzin stantsiyası çalışıp başlaycaq.
Evel "Sarı şerit" qarşılıq areketi bildirdi ki, ruslar işğal etilgen Qırımğa benzinniñ bozulğan partiyalarını ketirmege başladılar. Maşnalar 95 benzinnen toldurılğa soñ, motorlar sessiz qala ve birinci kere çalıştırılmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
