Vaqtınca işğal etilgen topraqlarnıñ, şu cümleden Qırımnıñ, ukrayin malümatına irişimi olmağan sakinleri içün "Sen Ukrayinadasıñ" platformasınıñ qırımtatar versiyası yaratıldı.
İlk qış ayınıñ 16-nde "Sarı Şerit" işğalge qarşılıq vatandaş areketi bu aqqında haber berdi.
Ukrayin resurslarını oqumaq içün bugünden mütenasip platformada telükesizVPN ve brauzerlerni tapmaq, em de telükesizlik, ev tibbiy yardım ve haber qarşılığı aqqında talimatlarnı tapmaq mümkün.
"Qırımda Ukrainanen bağ qurmağa istegen insanlar yaşaylar. Ve er birimiz olarğa bu bağnı saqlamağa yardım ete bilemiz", — dep areketniñ koordinatorları bildirdiler.
"Sen Ukrayinadasıñ" servisi Dovidka.info taqımı tarafından "Sarı Şerit"nen birlikte meydanğa ketirildi. Platforma bağda ve telükesiz qalmaq içün bir sıra aletler teklif ete:
- Ukrayin haberlerini oqumaq ve taqip etilmemek içün bedava ve telükesiz VPN ve brauzerler;
- tintüvler ve sorğular vaqtında özüni nasıl alıp barmaq kerekligi ve mecburiy pasportlanuvdan nasıl qorçalamaq kerekligi aqqında talimatlar;
- evde tibbiy yardım ve raqamlı telükesizliknen bağlı tevsiyeler;
- haber qarşılığı materialları;
- balalar ve büyükler içün ukrayin tilini ögrenüv kursları.
Dovidka.info malümatına köre, "Sen Ukrayinadasıñ" leyhasınıñ bedava ve işançlı VPNlerini ViETnıñ endi 2 biñden ziyade sakini qullana. Bundan da ğayrı, platformanıñ taqımı sayesinde 250den ziyade bala ve büyük ukrayin tilini ögrene. Beyanatlarnıñ çoqusı — Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Qırımnıñ diger şeerlerinden.
"Rusiye akimiyeti Ukrayinanıñ işğal etilgen topraqlarını integratsiya etmehe tırışa. 2014 senesinden başlap Ukrayina vatandaşlarınıñ "mecburiy pasportlaşması" Qırım, Luğansk ve Donetsk vilâyetlerinde, soñki yılları ise Herson vilâyetiniñ işğal etilgen topraqlarında ve Zaporijjâ vilâyetinde keçirile. Rusiyeliler, anda qalğan ukrayinler bu topraqlarnı qaytarmaq ümütini coyıp, Rusiye qaidelerine köre yaşamaqları içün elinden kelgenini yapa. "Sen Ukrayinadasıñ" resursı — yanında olğanımıznı hatırlatmaq içün daa bir yoldır. Şimdi tek ukrayin tilinde degil de, adresleri Qırım, Ukrayina olğanlar içün qırımtatar tilinde de qullanıla", — dep Medeniyet nazirligi yanındaki Strategik kommunikatsiyalar ve malümat telükesizligi merkeziniñ yolbaşçı muavini Mıkola Balaban bildirdi.
Hatırlatamız ki, "Sen Ukrayinadasıñ" elektron hızmeti 2024 senesi ilk küz ayında çalışıp başladı. Saytta telükesizlik ve qarşılıq mesleatları bar edi, em de keyfiyetli VPN ve telükesiz tarayıcığa irişimni temin ettiler.
Daa evel Roskomnadzor Rusiye Federatsiyasında ve vaqtınca işğal etilgen Ukrayina topraqlarında, şu cümleden Qırımda, Snapchat messenceriniñ bütünley blok etilmesi aqqında ilân etti.
Rusiye uquq qorçalayıcı organlarınıñ malümatına köre, platforma "terroristik areketlerniñ teşkil etilüvi, askerlerniñ celp etilüvi ve dolandırıcılıq ameliyatları içün qullanıla edi".
Supilne Qırım muarririyeti "Rusiyeliler Qırımda Telegram ve WhatsApp işini sıñırlaylar: bağda nasıl qalmaq?" materialında sıñırlamalarnı nasıl qaçmaq mümkün olğanını añlattı.
Bundan da ğayrı, Suspilne Qırım jurnalistleri işğalli akimiyet Qırım sakinlerini öz telefonlarına MAX yüklemege zorlağanını, bunıñ telükesi ne olğanını ve özüni "telefondaki casus"tan nasıl qorçalağanını ögrendi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
