Roskomnadzor, Rusiye ve VIET Ukrayina territoriyasında, şu cümleden Qırımda, Snapchat kirsetilgen messenceriniñ blok etilmesini ilân etti.
RİA "Novosti" Roskomnadzorğa esaslanıp bu aqqında bildire.
Müessisede bildirdiler ki, blok etüv qararı 2025 senesi ekim ayınıñ 10-nda qabul etildi. Rusiye uquq qoruyıcı organlarınıñ malümatına köre, platforma "Rusiye Federatsiyası territoriyasında terroristik areketlerni teşkil etmek ve kerçekleştirmek, hadimlerni işke celp etmek, em de Rusiye vatandaşlarına qarşı dolandırıcılıq ve diger qanunsız ameliyatlar içün qullanıla edi".
Snapchat — 2011 senesi meydanğa ketirilgen ve bir qaç saniye ya da 24 saat içinde ğayıp olğan fotoresimler, videolar ve mesajlarnı paylaşmağa imkân bergen bir Amerika uyğulama.
Bu, Rusiyede bu afta ğarbiy dijital hızmetlerniñ ilk sıñırlavı degil. Daa evel Roskomnadzor Roblox oyun platforması ve Apple FaceTime video bağı hızmetiniñ blok etilmesi aqqında ilân etti.
Hatırlatamız, Suspilne Qırım muarririyeti "Rusiyeliler Qırımda Telegram ve WhatsApp işini sıñırlay: bağda nasıl qalmaq?".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
