Boş aynıñ 11-nde işğal etilgen Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) neft terminalınıñ zarar körgenini köstergen video yayınlandı. Hatırlatamız ki, Baş ştabnıñ malümatına köre, rezervuarlarğa ücüm qayd etildi, zarar miqdarı şimdilik ögrenile.
İşğal etilgen Feodosiyadaki (Kefedeki) neft terminalınıñ zarar körgeniniñ videosını Facebookta USQniñ Uçucısız sistemalar quvetleriniñ uçucısız uçaq kompleksleriniñ 14-ünci ayrı polkınıñ matbuat hızmeti derc etti.
"BpAKnıñ 14-nci ayrı polkunıñ/1 USQniñ USnıñ ayrı merkeziniñ askerlerimiz Saratov NZnı ve Feodosiyadaki neft terminalını ücüm ettiler. Yaqarlıq yoq — ücüm yoq. Logistika olmasa — istilâ olmaz. Bir adım-adım, kün-künden, bizler rusiyelilerniñ teminlevini kesemiz — ve er bir ücüm ğalebemizge yaqınlaştıra", — dep haberde qayd etildi.
Hatırlatamı kiz, Ukrayina Silâlı quvetleriniñ Baş ştabı bildirdi ki, boş aynıñ 11-ne keçer gecesi Ukrayina Mudafaa quvetleriniñ bölükleri işğal etilgen Feodosiyadaki (Kefedeki) "Deñiz neft terminalı"na ücüm ettiler.
"Obyektniñ toprağınadki rezervuarlarğa ücüm qayd etildi. Berilgen zararnıñ miqdarı aydınlatıla", — dep USQniñ Baş ştabı bildirdi.
Hatırlatamız ki, Feodosiyadaki (Kefedeki) neft bazasına orta küz ayınıñ 12-nden 13-ne keçer gecesi Ukrayina Havfsızlıq hızmetiniñ "A" ve Ukrayina silâlı quvetleriniñ mahsus operatsiyalar quvetleriniñ dronları Rusiye obyektlerine, hususan Feodosiyadaki (Kefedeki) neft bazasına ücüm etti.
Bundan da ğayrı, orta küz ayınıñ 6-nda ukrayin dronları Feodosiyada (Kefede) yerleşken yarımadanıñ eñ büyük neft terminalına ücüm etti, dep Ukrayina silâlı quvetleriniñ Baş ştabı tasdıqladı. Ertesi künü uydu resimleri yanğınnı kösterdi, o vaqıt o 12 km-ge qadar tarqalğan edi. Şaatlarnıñ aytqanlarına köre, yanğın endi yañı, üçünci rezervuarğa keçti.
Daa bir ücüm ilk küz ayınıñ 29-nda yapıldı.
Keçken sene de Feodosiyadaki (Kefedeki) neft bazası defalarca ücüm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
