İşğal etilgen Qırımda eki kündir yarımadanıñ eñ büyük, Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) yerleşken neft terminalı yana. Yanğın 12 km-ge tarqaldı. Yanğın orta küz ayınıñ 6-nda gece, Ukrayina silâlı quvetleriniñ Baş ştabında tasdıqlanğan ukrayin dronlarınıñ ücümi sebebinden çıqtı. Şaatlarnıñ aytqanına köre, yanğın yañı rezervuarğa keçti.
Saat 16:22-de Suspilne Qırım maqbul uydu resmini derc etti.
Orta küz ayınıñ 7-nde "Radio Svoboda" uydu resimleri bu aqqında haber etti.
"NASA FIRMS uydu resimleriniñ malümatına köre, Feodosiya neft terminalında eki yanğın qayd etile: neft azasınıñ şimaliy-ğarbiy ve şarqiy qısımlarında. Orta küz ayınıñ 6-nda yapılğan uydu fotoresiminde, yanğınnıñ dumanı 12 kilometrge yete", — dep haberde bildirildi.
Aynı zamanda şaatlar "Supernova+" Telegram kanalına, yanğın endi yañı rezervuarğa keçkenini bildirdiler.
"Qırım yeli" Telegram kanalınıñ nezaret gruppası da, uydu resimleriniñ bilgilerine esaslanıp, bunı tasdıqladı.
İşğalli Qırım yolbaşçısı Sergey Aksönov, neft bazasındaki yanğın aqqında resmiy izaat bermedi ve yanğın aqqında haber etmedi
Şaatlarnıñ malümatına esaslanıp, Telegram kanalları yanğınnıñ devam etkenini tasdıqlağan fotoresimler ve videolarnı derc ete.
"Strategiya XXI" Globalistika merkeziniñ havfsızlıq programmalarınıñ reberi Pavlo Lakiyçuknıñ aytqanına köre, Feodosiya (Kefe) deñiz neft terminalı Qırım ve Rusiye ordusına neft mahsulatınıñ berilmesini temin etken esas logistik noqta ola. RF Silâlı quvetlerine ücüm sebebinden büyük yaqarlıq meseleleri peyda ola bile.
Arbiy mütehassısnıñ tahminlerine köre, neft bazısı beş künden bir aftağa qadar yana bile. Lâkiyçuknıñ aytqanına köre, ukrayin ameliyatı mürekkep edi: neft bazasına ücümden evel ukrayin quvetleri Qırımnıñ ğarbiy yalısında — Tarhan Qut, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Fiolent — işğalcilerniñ ava mudafaasınıñ elementlerini yoq ete bile ediler.
Mütehassısnıñ sözlerine köre, bu, yarımadanıñ tereninde — Feodosiy (Kefe), Kirovske ya da Bağerove kibi — meskün yerlerge zarar ketirmek içün qullanılacaq mudafaa sistemasında muvaqqat "qapı"larnı yarata.
"Yani esas mesele — yolnı basıp keçmek, soñ ise onı batırmaq. Biz yolnı bilemiz... Qırım — bizim toprağımız, bizim askerlerimiz, biz onı ayaqlarımıznen basıp keçtik, er bir arbiy qasaba — olarnıñ zapt etkenleri arbiy qasabalarımızdır. Bütün sanayı obyektleri — bu bizim arbiy obyektlerimiz ya da olarnıñ alğanları sanayı obyektlerimizdir. Biz em pozitiv, em de menfiy taraflarını bilemiz. Olar Qırımğa boşuna kettiler", — dep Lakiyçuk bildirdi.
Feodosiyada (Kefede) olğan neft terminalı daa evel ukrayin ücümlerine oğrağan edi. Birinci kere USQ 2024 senesi orta küz ayınıñ 7-nde gece, Rusiye diktatorı Vladimir Putinniñ doğğan künü ögünde, bir neft bazasına ücüm etti. Yanğın bir aftadan ziyade devam etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
