Orta küz ayınıñ 12-nden 13-ne keçer gecesi işğal etilgen Qırımda Ukrayina Havfsızlıq hızmetiniñ "A" ve Ukrayina silâlı quvetleriniñ mahsus operatsiyalar quvetleriniñ dronları Rusiye obyektlerine, hususan Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) neft bazasına ücüm etti.
Suspilneniñ UHHdekii menbaları bu aqqında haber etti.
Menbalarnıñ malümatına köre, eñ az üç obyekt aqqında söz yürsetile.
- Feodosiyadaki (Kefedeki) deñiz neft terminalı — uçucısız uçaq aletileriniñ eñ az beş rezervuarğa ücüm etkeni belli oldı. Neft bazasınıñ toprağında büyük yanğın qayd etile;
- Rusiye Federatsiyası — Qırım energetik köprüniñ bir qısmı olğan 220 kV "Kefe" (Feodosiya) ast stantsiyası. Küç transformatorları, qapalı dağıtıcı qurulış, dispetçerlik, em de qoruv avtomatikasınen olğan oda zarar kördi. Kerginlik bozuluvı başlandı;
- 330 kV "Simferopol" ast stantsiyası — anda bir sıra patlama eşitildi.
"UHH duşmannıñ Ukrayinağa qarşı cenk alıp barmaq içün arbiy, logistik ve iqtisadiy imkânlarını muntazam surette eksiltmege devam ete. Tehnikiy imkânlarımız "pamuq patlamaları"nı em vaqtınca işğal etilgen topraqlarda, em de Rusiye Federatsiyasınıñ teren tışında yerleştirmege imkân bere. Bu iş devam etecek", — dep UHHden haberdar olğan menba bildirdi.
Aynı bu malümatnı "Dnipro Osint Гарбуз" Telegram kanalı tasdıqlay. Anda zarar körgen obyektlerniñ koordinatları yazıldı.
İşğal etilgen dronlarnıñ Feodosiyadaki (Kefedeki) neft bazasına ücümi sebebinden cemaat naqliyatınıñ areketleri deñiştirildi.
Rusiyeniñ kontroli altında bulunğan şeer memuriyetine atfı etip, "Krımskaya gazeta" işğalli neşiri bunı bildirdi.
Bundan ğayrı, RİA "Novosti Krım"nıñ haber etkeni kibi, bir tren keçiktirildi.
"007A-ncı tren “Sankt-Peterburg-Sevastopol“ 2 saat 30 daqqağa keçiktirile. Onı tekrar cedvelge almağa tırışalar. "RİA Novosti Krım"ğa "Grand Service Express" şirketiniñ matbuat hızmeti bunı bildirdi", — dep haberde qayd etildi.
Aynı vaqıtta "Qırım yeli" resursı yerli sakinlerge atfı etip, Feodosiyada (Kefede) saba internet olmağanını bildirdi.
Hatırlatamız ki, işğalli Qırım yolbaşçısı Sergey Aksenov orta küz ayınıñ 12-nde Feodosiyadaki (Kefedeki) neft bazasına ücümni tasdıqladı.
Bu, eki aftadan berli yapılğan üçünci ücümdir. Birincisi ilk küz ayınıñ 29-nda, ekincisi orta küz ayınıñ 6-nda oldı.
Ukrayina silâlı quvetleri ilk sefer 2024 senesi orta küz ayınıñ 7-nde Rusiye diktatorı Vladimir Putinniñ doğğan künü arfesinde ücüm etti. O vaqıt yanğın bir aftadan ziyade devam etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
