Orta küz ayınıñ 1-nde işğalli Qırım akimiyeti yarımada toprağında "bildirüv sistemasınıñ çalışa bilmesiniñ planlaştırılğan kompleks qıymet kesilüvi" aqqında bildirdi. Saat 10-dan 4-ke qadar üç kere bildirüv sesi çalınacaq.
İlk küz ayınıñ 26-nda Qırım fevqulâde vaziyetler naziri Oleksiy Yeromenko Telegram kanalında bunı bildirdi.
"Teşkerüv vaqtında "Er kesge diqqat" signalınen elektroses çalıştırılacaq, tele- ve radiokanallarnıñ signalları teşkerüv aqqında malümatqa deñiştirilecek", — dep qayd etti o.
Saban ayında bu kibi teşkerüvler işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) keçirildi. O vaqıt, şeerniñ 15%-i sistemadan tış edi.
Keçken sene boş ayda Sevastopol (Aqyar) şeeriniñ sakinleri ücüm vaqtında bildirüv sisteması çalışmay, dep şikâyet ete ediler. Aynı şikâyetler ilk yaz ayında kelgen edi, o vaqıt şeerniñ işğalli gubernatorı Mihail Razvojayev bu meseleni red etti.
Hatırlatamız ki, ilk küz ayınıñ 26-nda gece Ermeni Bazar şeerinde, Keriçte ve işğal etilgen Qırımnıñ Kirovskiy (İslâm TerekRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) arbiy ava limanı civarında patlamalar eşitildi. Yerli sakinlerniñ tahminlerine köre, Ermeni Bazar rayonında FSB binası yanında "quvetli patlav dalğası" bar edi. RF Mudafaa nazirligi yarımada üzerinde 14 ve Azaq deñizi üzerinde 20 dron urulğanını bildirdi. Qırım köprüni gece eki kere qapattılar.
Bundan da ğayrı, ilk küz ayınıñ 24-nde işğal etilgen Qırımğa keçirilgen reyd vaqtında Ukrayina Mudafaa nazirliginiñ Bİİniñ "Prımarı" mahsus bölüginiñ askerleri eki An-26 Rusiye naqliyat uçağını yaqtılar, em de suv üstündeki RLS ve MR-10M1 "Miss M1" yalı RLSnı urdılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
