Yerli sakinlerniñ şikâyetlerinden soñ işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) bildirüv sistemasınıñ bozuluvı aqqında ilân etildi. O, martnıñ 5-nde saat 11:30-13:00 (Kyiv vaqtı boyunca) keçirilecek. Şimdiki vaqıtta şeerniñ 15%-ı sistemanıñ sıñırından tış qala.
Sevastopolnıñ (Aqyarnıñ) işğalli gubernatorı Mihail Razvojayev Telegramda bunı yazdı.
"Er kes, diqqat!" işaretiniñ teşkerüv taqdim etilmesi 11:40-dan 11:43-ke qadar tek 3 daqqa devam etecek. 11:43 ve 11:44 arasında telekanallarda yayınnı toqtatıp, "Bildirüv sistemasınıñ tehnikiy teşkerüvi!" yazısınen haber peyda olacaq. 11:45 ve 11:55 arasında tel raidoyayınlavı ve sms-bildirüv ağları tarafından teşkerüv aqqında bildirüvler yayınlanacaq", — dep Razvojayev yazdı.
Hatırlatamız ki, keçken sene boş ayda Sevastopol (Aqyar) sakinleri ücüm vaqtında bildirüv sisteması çalışmay, dep şikâyet etti. Aynı şikâyetler bozarğan ayda kelgen edi, o vaqıt Razvojayev meseleni red etti.
Читати ще
Telegram, WhatsApp ve Facebookta Suspilne Qırım haberlerine abune oluñız
