İlk küz ayınıñ 26-na keçer gecesi işğal etilgen Qırımnıñ Ermeni Bazar ve Keriç şeerlerinde patlamalar eşitildi. Rusiye Mudafaa nazirligi yarımada üzerinde 14 dron tüşürilgeni aqqında bildirdi. Qırım köprüni gece eki saatten ziyade qapattılar.
İlk küz ayınıñ 26-nda Rusiye Mudafaa nazirliginiñ bildirgenine köre, umumen bu gece 55 uçucısız uçaq aletini toqtatıp tüşürdiler. Olardan 14-ü Qırım üzerinde, 20-si Azaq deñizi üzerinde.
Bundan ğayrı, Qırım köprüni saat 00:30-dan saat 2:40-ğa qadar qapatqanlar, dep işğalli yol merkezi köpürge kirüv yollarındaki vaziyet aqqında bildirdi.
Aynı vaqıtta yerli sakinler "Qırım yeli" Telegram kanalına, ilk küz ayınıñ 25-nde saat 22:56 Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında patlamalar olğanını bildirdiler. Bundan evel olar saat 23:11 ve 23:21 Kirovskiy (İslâm TerekRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) arbiy ava limanı civarında tekrarlandı.
Şaatlarnıñ bildirgenlerine köre, saat 23:44-te Ermeni Bazarda "pek küçlü patlama" ve "quvetli patlama dalğası" eşitildi. Olar FSB binasına muvafaqiyetli ücüm olğanını tüşüneler.
Yerli sakinlerniñ qayd etkenlerine köre, saat 00:38 qadar Keriçte beş patlama oldı.
İlk küz ayınıñ 24-nde işğal etilgen Qırımğa keçirilgen ücüm vaqtında Ukrayina Mudafaa nazirliginiñ Baş istihbarat idaresiniñ (Bİİ) "Prımarı" mahsus bölüginiñ arbiy hızmetçileri eki Rusiye An-26 naqliyat uçağını yaqtılar, em radiolokatsiya stantsiyasını (RLS) urdılar, em de MR-10M1 "Mıs M1" yalı RLSnı urdılar.
İlk küz ayınıñ 22-nde gece işğal etilgen Sevastopolda (Aqyarda) "Qaçı" ve "Belbek" arbiy ava limanları yanında patlamalar eşitildi, dep yerli sakinler ayttılar. İşğalciler şeer civarlarında ve Qaçı rayonında altı UUA tüşürilgenini bildirdiler. İlk küz ayınıñ 23-nde saba Qırım köprü de aman-aman bir saatke qapatıldı.
Birazdan Ukrayina Silâlı quvetleriniñ Baş ştabı, "Qaçı" arbiy ava limanında eki uçaqnıñ zarar körgenini tasdıqladı.
Evel, ilk küz ayınıñ 21-nde işğal etilgen Qırımda Yalta rayonınıñ Foros köyünde üç insan elâk oldı, 16 kişi yaralandı. "Foros" şifahanesi ve mektep zarar kördi, dep işğalli Qırım yolbaşçısı Sergey Aksönov bildirdi.
Hatırlatamız ki, ilk küz ayınıñ 21-nde işğal etilgen Qırımda Ukrayina Mudafaa nazirliginiñ "Prımarı" mahsus bölüginiñ arbiy hızmetçileri tarihta ilk sefer eki Be-12 "Çayka" Rusiye amfibiya uçağını yoq ettiler, em de Mi-8 çoq maqsatlı Rusiye vertolötını urdılar.
Bundan evel de Bİİ bildirdi ki, ilk küz ayınıñ 21-nde "Prımarı" mahsus bölügi işğal etilgen Qırımda işğalcilerniñ üç Mi-8 çoq maqsatlı vertolötını ve qıymetli 55J6U "Nebo-U" Rusiye radiolokatsiya stantsiyasını urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
