İşğal etilgen Qırımda talebelerniñ telefonlarını Rusiyede yasaq etilgen, şu cümleden YouTube, VPN-hızmetleri, Spotify ve işğalcilerniñ "telükeli" adlandırğanları diger qullanmalarnıñ mevcut olmasını teşkermege başladılar. İlk mecburiy teşkerüvler Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) bir qaç mektebinde başlandı.
"Sarı şerit" cemaat areketi Facebook saifesinde bu aqqında haber etti.
İşğalli memuriyet bunı "ana-babalar balalarını kontrol etmeyler" dep añlata, dep faalciler qoştılar.
"Bu, şeerniñ bütün mekteplerindemi olacaq, ya da bu tasil saasındaki eñ "faal" işbirlikçileriniñ deñev leyhasımı dep belli degil", — dep areketniñ koordinatorları qayd ettiler.
Faalciler yarımadanıñ diger mekteplerinde buña oşağan vaziyetke oğrağan sakinlerni areketke muracaat etmege çağıralar.
Areket qoştı ki, Rusiye raqamlar nazirligi bağ söndürilgende çalışacaq "yedek hızmetler" cedvelini tizdiler. Anda tek Rusiye resursları bar, anda mustaqil menbalar yoq ve olmaycaq.
"Er afta cedvel yañartılacağı aqqında söz berile, amma kerçekten bu tek teşviqat vastasıdır", — dep faalciler qayd ettiler.
İlk küz ayınıñ 1-den itibaren Rusiye Federatsiyasında ve Ukrayinanıñ vaqtınca işğal etilgen topraqlarında, hususan Qırımda, yañı Max Rusiye messenceriniñ qullanılması mecburiy oldı. Onı Kreml ve FSBniñ kontrol etken VK şirketi azırladı.
Hatırlatamız ki, arman ayınıñ 13-nde işğal etilgen yarımadanıñ İçki siyaset, haber ve alâqa nazirligi bildirdi ki, Qırımda mobil internet uzun müddetke bütünley söndürile bile. Yerli bağ ve kabel İnternet provayderleri çalışıp qalacaq. "Sarı şerit" qarşılıq areketiniñ malümatına köre, söndürüvler aftadan ziyade devam ete bile.
Aynı vaqıtta, arman ayınıñ 13-nde Roskomnadzor, Rusiye Federatsiyası ve Ukrayinanıñ VİETnıñ, şu cümleden Qırım sakinleri içün Telegram ve WhatsApp messencerlerinde telefn etmeler sıñırlağanını ilân etti.
Arman ayınıñ 19-nda işğalli Qırım yolbaşçısı Sergey Aksönov bildirdi ki, kelecek aftalarda sıñırlavlarnı yımşatmağa tırışacaq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
