Yaqın aftalarda işğalli Qırım akimiyeti yarımadada cep telefonı internetini söndürüv algoritmini çezmege ve sıñırlavlarnı yımşatmağa, söndürüv vaqtını eksiltip, areket etmege vade etti.
Böyle planlar aqqında Qırımnıñ işğalli yolbaşçısı Sergey Aksönov bildirdi, dep RİA "Novosti Krım" haber etti.
"Biz şimdi İnternetke qoşulmaq qararınıñ tezligi boyunca qarşılıqlı munasebetniñ işletilüv sistemasını taqdim ettik. Bir afta içinde bu tedbirni yımşatmaq içün qarar alınacaq, dep tüşünemiz", — dep Aksönov qayd etti.
Hatırlatamız ki, daa evel yarımadanıñ işğalli "içki siyaset, malümat ve bağ nazirligi" "duşman ücümlerine qarşılıq köstermek ve Qırım vatandaşlarınıñ havfsızlığını temin etmek maqsadınen" uzun müddetke mobil internetini bütünley söndüre bilecegini bildirdi.
Bundan evel "Sarı şerit" areketiniñ faalcisi Suspilne Qırımğa añlattı ki, işğalciler Qırım sakinlerini mobil interneti olmadan yañı yaşayışqa azırlay.
"Ebet, Rusiye matbuat vastalarınıñ bu tevsiyelerini kördik — sanki olar Qırım sakinlerini internetsiz yaşamağa azırlaylar. Olarnıñ yazğanlarına köre, yerli akimiyetniñ haberi olmadan onı bir qaç saatke ya da bir qaç künge söndüre bileler. İnsanlarğa yaqınlarınen bağlanmaq içün messaclar olmadan añlaşmağa bile tevsiye eteler", — dep qayd etti o.
Başqa faalci telefon bağınıñ kesilüvi ve resmiy tenbiyelev aqqında bildirdi.
"Men Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) civarındaki köyde yaşayım ve yarım yıldan berli cep telefonınen bağlı meselelerni körem. Meselâ, kün ortasında üç saat devamında bağ yoq edi — ve böyle devamlı, er kün böyle ola. Bunıñ sebebini kimse añlatmay, amma yerli "Volna" operatorı SMS yollap, bunı "havfsızlıq maqsadınen" yapqanını bildire. Qayd etilgenine köre, bu, REB qullanuvınıñ neticesi ola. Mobil interneti de sıq-sıq yoq ola - - e bu silâsızlandırıcılar içün degil — ağ özü pek yaramay çalışa", — dep o bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
