RF-da Stavropoldaki Kursk rayon makemesi, 8 yıllıq apis müddetini keçirgen soñ habersiz ğayip olğanı kibi sayılğan Qırım siyasiy mabusı Ğennadiy Lımeşkonı 2 yılğa qattı nizamlı müstemlekesine mahküm etti.
Bunıñ aqqında oraq aynıñ 30 içün rusiye makemesiniñ qararında denile.
Lımeşkonı internette ekstremizmge çağıruvlar aqqında maddesi (RF-nıñ Cinaiy kodeksiniñ 280 m. 2 q.) içün qabaatlı dep tanıdılar.
Rusiye tahqiqatınıñ versiyasına köre, erkek, öz içtimaiy ağlarda milliy alâmetlerge köre tecavuzğa çağıruvlarnen bazı malümatlarnı paylaştı.
Hatırlatayıq ki, yüzlerce sabıq ukrain siyasiy mabusı, serbest olğan soñ RF-nıñ sürgünlik merkezlerinde qalalar. Yañı davalarnı alıp olarnı Ukrainağa qarşı cenkleşmege yollay bileceklerinen muhatarağa atılalar. Suspilne Qırım, RF-nıñ sürgünlik merkezleri aqqında anda tahminen yarım yıl içinde tutlğan sabıq siyasiy mabusı Andriy Kolomıyets, uquq qoruyıcılar ve İnsan aqları boyunca UYUŞ vekâletli ofisinden tafsilâtlıca bilip oldı.
Ğennadiy Lımeşko kimdir
Lımeşko 1992 senesi ilk qış ayınıñ 29-nda doğdı. Harkiv milliy köy hocalığı tehnik universitetini bitirdi. 2015 senesinden 2017 senesine qadar ilk evelâ göñülli batalyonda, soñra ise Ukraina Silâlı quvetleri erkânında kontrakt boyunca hızmet etti.
2017 senesi arman ayınıñ 12-nde Rusiye FSBsi işğal etilgen Qırımdaki Sudaqta "UHH agenti" dep adlandırılğan ve yarımadanıñ astyapı ve yaşayış obyektlerine qarşı diversiya azırlağanında qabaatlanğan adamnıñ tutulğanını bildirdi.
Lımeşko "patlayıcı maddeler ve silâ qanunsız satın aluv, taşuv ve saqlav"da qabaatlandı. İşğalli mahkeme Qırımnıñ işğali sebebinden "siyasiy duşmanlıq" sebebini ağırlaştıra, onıñ içün o diversiya yapmağa razı oldı.
Ukrayin öz qabaatını tanıdı ve davağa qoşulmağan tahqiqatnen resmiy olmağan añlaşma tizdiler. İşğalli mahkeme onı sekiz yılğa mahküm etti, yaş qızı içün ükümini yarım yılğa qısqarttı. Lımeşkonıñ qorantası tüşüne ki, o, FSB basqısı ve işkencege oğratılğanında Qırımdaki diversiyalarnı azırlağanı aqqında şaatlıq etti. Advokatı, üküm "cinayet ağırlığına uymağanı"nı ayttı.
Telegram, WhatsApp, Facebook ve YouTube-ta Suspilne Qırım haberlerine abune oluñız
