İşğal etilgen Qırımda, Aluşta civarındaki Lazurne köyü yanında, Kastel dağında büyük orman yanğını söndürildi. Dört kün devamında yanğınnı toqtatmağa tırışa ediler — lk yaz ayınıñ 29-dan başlap.
Oraq ayınıñ 2-nde işğalli Qırım FVN bu aqqında haber etti.
"Nazrlik"niñ qayd etkenine köre, yanğınnıñ umumiy meydanlığı 8,1 gektar oldı.
"Dört kün devamında yanğınğa qarşı küreşke Rusiye fevqulâde vaziyetlerni evelden yoq etüv ve çezüv tek devlet sistemasından 639 adam ve 111 tehnika, şu cümleden Rusiye fevqulâde vaziyetler nazirliginden 239 adam ve 51 tehnika, eki MI-8 vertolötı celp etildi", — dep aytıla haberde.
Hatırlatamız ki, Qırımda işğalli akimiyet vatandaşlarnıñ ormanlarnı ziyaret etüv yasağını oraq ayınıñ 15-ne qadar uzattı. İşğalli FVNniñ yazğanına köre, bu yanğın telükesinen bağlı.
Milliy muqavemet merkeziniñ (MMM) mütehassıslarına köre, ormanlarğa kiriş, anda yerleşken arbiy obyektlerni qorçalamaq içün qapatıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
