İşğal etilgen Aluştada Kastel dağındaki orman meydanında yanğın çıqtı. Yanğın, 5 gektarğa qadar yerni qapladı. Kiyev vaqıtınen saat 19:00 qadar yaralanğanlar ve ölüler aqqında malümat yoq.
Başta RİA "Novosti Krım" şaatlarğa esaslanıp, orman yanğanını bildirdi. Soñra yarımadanıñ işğalci "ekologiya naziri" Ölga Şevtsova quru otlar yanğanını ilân etti.
Yarımadanıñ Rusiye nezareti astındaki Fevqulâde vaziyetler nazirligi haber etkeni kibi, şimdi yanğın söndürile.
"Küçlü yel ve yerleşmek qıyın olğanı sebebinden yanğınnıñ meydanlığı 5 gektarğa qadar arttı. Yanğınnıñ ileride tarqalmasına yol berilmedi, qasaba içün havf yoq". Birleşken gruppanıñ küçleri ve vastaları ateşniñ perimetrinde yerleşken. Dört cenkleşüv meydançığı teşkil etildi", — denile beyanatta.
Hatırlatamız ki, Qırımda işğal akimiyetleri vatandaşlarğa ormanlı yerlerni ziyaret etmege yasaq etmek müddetini uzattılar. Böyle yasaq, işğalniñ Acele vaziyetler nazirligi yazğanı kibi, yanğınlar havfınen bağlıdır.
Aynı vaqıtta, Milliy tirenüv merkeziniñ (MTM) ekspertleriniñ aytqanlarına köre, anda yerleşken arbiy obyektlerni imaye etmek içün ormanlarğa kiriş qapalı.
Читати ще
Telegram, WhatsApp, Facebook ve YouTube-ta Suspilne Qırım haberlerine abune oluñız
