İşğalciler Qırımdaki ormanlarğa kiriş sıñırladılar. Mayısnıñ 14-nden başlap yasaq 21 kün devam etecek. Ziyaret etile bilecek yerler mahsus haritada qayd etildi.
Qırım ekologiya naziri Olga Şevtsovanıñ añlatqanına köre, bu yanğın telükesinen bağlıdır.
Milliy muqavemet merkeziniñ (MMM) mütehassıslarına köre, ormanlarğa kiriş, anda yerleşken arbiy obyektlerni qorçalamaq içün qapatıla.
"Ruslar "ateş telükesi" sebebinden vaqtınca işğal etilgen Qırımdaki ormanlarğa kirişni qapatalar. Amma kerçek sebebi — Ukrayinlerniñ qarşılıq köstermesinden qorqudır. Çünki ormanlarda silâ anbarları, uçuruv aletleri, yaqarlıq bazaları bar. Zayıf, patlayıcı ve... daa çoq közden keçirilgen. Qırım kurort degil. Bu, öz kölgesinden qorqqan arbiy baza", — dep aytıla haberde.
Hatırlatamız ki, mayısnıñ 16-nda saba "Ateş" arbiy-partizan areketi Perevalne (AnğaraRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) meskün yeri, şu cümleden 126-ncı ayrı sahil qoruv brigadası ve 8-inci ayrı artileriya polkunıñ arbiy bazasında patlavlar aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
