Qırımda işğalli akimiyet vatandaşlarnıñ ormanlarnı ziyaret etüv yasağını uzattı. İşğalli FVNniñ yazğanına köre, bu yasaq yanğın telükesinen bağlıdır. Yazda Qırımda ormanlarda yürmege izin berilgen yerlerniñ sayısı sıñırlı.
Qırım Fevqulâde vaziyetler nazirligi bunı bildirdi.
Bundan evel yasaq tek ilk yaz ayınıñ 25-ne qadar, işğal etilgen yarımadada yanğınğa qarşı mahsus rejimniñ kirsetilüvi sebebinden, bar edi, amma onı oraq ayınıñ ortasına qadar uzattılar.
"Fevqulâde vaziyetlerniñ peyda olması telükesiniñ ögüni almaq ve Qırım Cumhuriyetinde yanğın telükesizligini temin etmek içün, Qırım ekologiya nazirliginiñ emirinen ilk yaz ayınıñ 25-nden oraq ayınıñ 15-ne qadar vatandaşlarnıñ ormanlarda bulunması, olarğa naqliyat vastalarınıñ kirmesi ve ormanlarda yanğın telükesizligini temin etmek maqsadınen muayyen işlerniñ keçirilmesi sıñırlandı", — dep işğalli Qırım FVNniñ haberinde qayd etildi.
İslâm Terek (Kirovskiy) rayonında bugün "Tavrida" qara yolunıñ yanında 2 gektarlıq yanğın yüz berdi. Bu künleri Qırımda "qurtarıcılar" Bağçasaray rayonınıñ üç köyünde ve Qurman rayonında yanğınlarnı söndürdiler.
"İlk yaz ayınıñ 26-28 künleri Qırımnıñ ğarbiy ve cenübiy rayonlarında fevqulâde yanğın telükesi qalacaq, Qırımnıñ merkeziy rayonlarında ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda — terciman) ise fevqulâde yanğın telükesi beklenile", — dep "Qırım FVN" bildirdi.
Hatırlatamız ki, saba Qırım sakinleri, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Slovyanka özeniniñ suvlarında balıqlarnıñ kütleviy şekilde ölgenini kördiler. İçtimaiy ağlarda bu aqqında yazılar peyda oldı, işğalli akimiyet ise, "sebeplerni tapmağa" söz berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
