Ukrayina Mudafaa nazirliginiñ Baş istihbarat idaresiniñ mahsus hadimleri işğal etilgen Qırımda UJ-26, daa çoq "Bober" olaraq belli ukrayin dronları yardımınen Rusiye ava mudafaası sistemalarını yoq eteler.
Oraq ayınıñ 1-nde Ukrayina Mudafaa nazirliginiñ Bİİ öz Facebook saifesinde dronlarnıñ işini kösterdi.
"Videoda — "Pantsır-S1" RTZKRaketa-top zıddiyet kompleksiniñ hızmetinen beraber, "Niobiy-SV" RLSRadiolokatsiya stantsiyası, yalı "Peçora-3" RLS, "Protivnik-GE" RLS, em de Saq ava limanında Su-30 Rusiye qırıcı uçağına muvafaqiyetli ücüm", — dep Ukrayina istihbaratı bildirdi.
Keçenlerde "Ateş" arbiy-partizan areketi haber berdi ki, işğal etilgen Qırımnıñ Saq şeerindeki arbiy ava limanı yanında Rusiye arbiyleri cep telefonları bağını söndürmege başladılar. Soñki vaqıtları bu obyektke qoşma donatmalar, şu cümleden ava mudafaası vastaları ve yaqarlıq konteynerleri qoyuldı.
Bundan evel, ilk yaz ayınıñ 26-nda, Ukrayina istihbaratı Qırımdaki Rusiye S-400 "Triumf" AMVnıñ radarlarınıñ yoq etilmesi videosını aydınlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
